Sibusa Ngokulunga kwakhe

Usuku 29 Zibandlela 2025

*Sifuna umyalezo lo ufike kubantu abayizigidigidi eziyisikhombisa emhlabeni wonke. Umnikelo wakho ungasisiza sifike kubo. Ungawuthumela usebenzisa iKingsPay Mobile App (Ikhodi: TNIOG), kumbe nge-Ecocash (Zimbabwe) kusetshenziswa i-shortcode: *151*2*6*58225# UNkulunkulu akubusise!*


“Ngoba nxa ngokona kowodwa ukufa kwabusa ngalo lowo, kakhulu-ke labo abamukelayo umusa omningi lesipho sobulungisa bazakubusa empilweni ngalowo oyedwa, uJesu Khristu.”
(KwabaseRoma 5:17)

Uyakuqaphela yini kulendimana yokuvula ukuthi ukulunga yisipho esivela kuNkulunkulu? Kakulona okutholakala ngokusebenza kakhulu kumbe “ngokwenza okuhle.” Ngumusa otholakalayo ngokumukela. Sesiphiwe sonke isintu, kodwa umbuzo ngowuthi: Uyemukele yini wena?

Kumele ukukwamukele nxa ungakakwenzi; konke okudingayo yikukholwa eNkosini uJesu Khristu, uthi: “Nkosi, ngiyamukela futhi ngiyemukele ubulungisa bakho. Ngiyavuma ukuthi unguNkosi yempilo yami, ngikholwa enhliziyweni yami ukuthi uNkulunkulu wakuvusa kwabafileyo. Ameni.” Wenza ukuthi ube ngolungileyo njengoba yena elungile, ngoba okunikezayo yikulungiswa kwakhe uqobo.

2 KwabaseKhorinte 5:21 ithi: “Lowo ongazange azi isono, wenziwa isono ngenxa yethu; ukuze thina sibe yikulunga kukaNkulunkulu kuye.” Futhi KwabaseRoma 5:1 kuyacacisa: “Ngakho-ke sesilungisiswe ngokukholwa, silesimiso loxolo kuNkulunkulu ngoJesu Khristu iNkosi yethu.” Kayikhulumi ngokuthi silungisiswe ngokuba lemali enengi, kumbe ngokuzama ngamandla ukwenelisa uNkulunkulu, kodwa ithi ngokukholwa siloxolo kuNkulunkulu ngoJesu Khristu.

Kutshoni ukulunga noma ukulungisiswa? Kutsho ukuthi uchazwe ulungile; uchazwe ungelacala; ukhishwe phansi komlandu, uthethelelwe ngokupheleleyo. Ungumusa omkhulu kangakanani lo! Yena wasikhulula; pho-ke ngezono zethu? Ngaphambi kokuba sizalwe kabusha, zagezwa ngegazi lakhe; ngesikhathi sakholwa futhi samemezela ubukhosi bakhe, saba ngabantu abatsha abangelamlandu odluleyo — kwaba lokulungisiswa. Haleluya!

UJesu uphinda asitshele into emangalisayo ngabo abamukela isipho sokulunga: bayabusa empilweni. “…kakhulu-ke labo abamukelayo umusa omningi lesipho sokulunga bazakubusa empilweni ngalowo oyedwa, uJesu Khristu.” Ebukhonzweni beqiniso, kasisiwo abayanga, kasisiwo abahluphekayo loba izihambi. Thina sibusa empilweni ngoJesu Khristu. Wasinika igama lakhe esiphila ngalo; ngakho-ke siphila futhi sihamba egameni lakhe, sibusa ngomusa ngokuqondiswa ngokulunga. Haleluya!

Umthandazo

Baba othandekayo, ngiyabonga ngomusa omningi kanye lesipho sobulungisa engibusa ngaso empilweni ngoJesu Khristu. Ngiphila impilo yokunqoba nsuku zonke, ngihamba ngobulungisa bakho, ubuhle, ngisebenzisa umbuso phezu kukaSathane kanye lezinhlelo zomhlaba, ngebizo likaJesu. Ameni.

Qhubeka ngemibhalo

2 KwabaseKhorinte 5:21

KwabaseRoma 5:1

Isambulo 5:1

(Lumlayezo uthathwe ku:
Rhapsody of Realities (Ndebele)
Wabhalwa ngu:
Umfundisi Chris Oyakhilome DSc DD.
Ungalilanda ngokuphelele ngolimi lwakho ku: https://rhapsodylanguages.tniglobal.org/regions/
Eminye imfundiso ungayithola ku: https://bit.ly/Shona_Church)