Sihlonyisiwe Saneliswa Ngamandla Angaphezulu

Friday, 30 May 2025

*We want this message to reach *7 Billion people globally*. Your donation will help us reach them. You can send it using the *KingsPay mobile App (Code: TNIOG)*, or on Ecocash (Zimbabwe) using the following shortcode: *151*2*6*58225# God Bless You!

Kodwa lizakwemukela amandla, esefikile phezu kwenu uMoya oNgcwele; njalo libe ngabafakazi bami eJerusalema kanye layo yonke iJudiya leSamariya, njalo kuze kube semkhawulweni womhlaba (Imisebenzi 1:8)

Kulomehluko phakathi kokufikelwa nguMoya oyiNgcwele lokuhlala kukaMoya oyiNgcwele phakathi kwakho. Ngosuku lwePentekosta kuImisebenzi 2, isizatho sokufikelwa nguMoya oyiNgcwele kwabantu kwakungoba wayesezohlala phakathi kwabo. Lokhu yikho osokwenzakala lakithi. KuThestamenta eliDala wayefikela abantu ukuze abanelise ukugcwalisisa inhloso ababelazo ngaleso sikhathi.

Banengi abahlangana lesehlakalo lesi khona okugoqela uElizabethi yena owafikelwa nguMoya oyiNgcwele wagcwala ngoMoya oyiNgcwele. Kwasekusithi uElizabethi ezwe ukubingelela kukaMariya, inkonyane yeqa esiswini sakhe; loElizabethi wagcwaliswa ngoMoya oyiNgcwele (uLukha 1:41). UMoya oyiNgcwele wafikela uSamusoni wamnika amandla okwenza izinto ezimangalisayo kodwa wayengagcwalanga ngoMoya oyiNgcwele. UMoya weNkosi wasefika ngamandla phezu kwakhe; walidabula njengodabula izinyane; njalo kwakungelalutho esandleni sakhe; kodwa kabatshelanga oyise lonina lokho akwenzileyo (Abahluli 14:6)

Ngakhoke, njengomuntu ogcwele loMoya oyiNgcwele usulamandla okwenza izinto ezimangalisayo. IBhayibhili lithi Kodwa lizakwemukela Amandla (Imisebenzi 1:8). Ibala elithi amandla ngesiGriki lithi dunamis okutsho ukwanelisa ukuletha utshintsho.

Nanzelela ukuqakatheka kwalokhu: UNkulunkulu uthi usuyamukele ukwenelisa ukwenza umehluko. Kungani kumele uhlale ukusimo esibuhlungu uhlala uncenga uNkulunkulu ukuba akwenyule. Hayibo! Uyenelisa ukuletha utshintsho. Ngakhoqunga isibindi ulethe utshintsho.

Ngemva kokwamukela uMoya oyiNgcwele abapostoli bahle baqala ukuphila impilo elobukhona bukaNkulunkulu.Ngamunye ngamunye basebephila impilo engaphezu kwemvelo. Yiyo impilo asinike yona. Ngokwamukela uMoya oyiNgcwele usugcwele ngokwenelisa kokuletha inguquko njalo uphile impilo engaphezu kwemvelo.

Umkhuleko
Baba othandekayo ngiyabonga ngokungigcwalisa ngoMoya oyiNgcwele langongipha amandla okuba ngenelise ukuletha utshintsho empilweni yami. Ngiphila ngilolwazi lobukhona bakho empilweni yami, ngitshengisela inhlakanipho, amandla lenkazimulo. Ngebizo likaJesu. Ameni.

Qhubeka Ngembhalo
Luke 24:49
Acts 2:8
Ephesians 3:14-16

(This article was culled from:
Rhapsody of Realities (Ndebele)
Authored By:
Pastor Chris Oyakhilome DSc DD.
You can download a full copy in your language on: https://rhapsodylanguages.tniglobal.org/regions/
You can get other teachings on: https://bit.ly/Shona_Church