Ungumuntu kaNkulunkulu opheleleyo

Usuku 28 Zibandlela 2025

*Sifuna umyalezo lo ufike kubantu abayizigidigidi eziyisikhombisa emhlabeni wonke. Umnikelo wakho ungasisiza sifike kubo. Ungawuthumela usebenzisa iKingsPay Mobile App (Ikhodi: TNIOG), kumbe nge-Ecocash (Zimbabwe) kusetshenziswa i-shortcode: *151*2*6*58225# UNkulunkulu akubusise!*


Ngoba singumsebenzi wakhe, kuKristu Jesu sadalelwa imisebenzi emihle... (Abase-Efesu 2:10).

Wake wakucabanga yini ukuthi ungumuntu kaNkulunkulu opheleleyo? Wakudala ungela lutho olonakeleyo, ungavinjwa. Uyisidalwa sakhe esihle kakhulu asidalayo, esipheleleyo njalo esigcweleyo. Leyi yiyo intando kaNkulunkulu epheleleyo; lokhu yikho ayelakho emcabangweni wakhe ngesikhathi edala wena njalo yikho okusengqondweni yakhe namuhla.

AmaHebhelu 10:14 ithi, "Ngoba ngomnikelo munye uphelelisiwe ephakadeni labo abangcwelisiweyo." Nguwe lowo; wapheleliswa ephakadeni, njalo akula ongakwenza ngcono ukuze upheleliswe. Haleluya! LoDavida wakuzwisisa lokhu njalo wathi ekudumiseni iNkosi, "Ngizakudumisa, ngenxa yokuthi ngenziwe ngokwesabekayo, ngokumangalisayo. Imisebenzi yakho iyamangalisa, lomphefumumulo wami uyakwazi kuhle kakhulu" (Izihlabelelo 139:14). Uma uNkulunkulu ekukhangela, ubona umuntu opheleleyo- akula okungekhoyo, akula okwephukileyo.

Kuyangikhumbuza iNcwadi eNgcwele ethi, "...Konke uNkulunkulu akwenzayo kuzakuba khona phakade, kakukho okuzakwengezelelwa kukho, njalo kakukho okuzaphungulwa kukho..." (UmTshumayeli 3:14). Konke okwenziwa nguNkulunkulu kuyama. Imisebenzi yakhe iphelele. Imisebenzi yakhe ingaphakade. Wathi ekudala, kwakungaso okwenjongo eyokuthi izinso zakho, loba inhliziyo loba amaphaphu ukuthi ehluleke, loba ukuthi ube lomkhuhlane wegazi.

Kwakungaso injongo eyokuthi umzimba wakho ubesebuhlungwini loba ugule, kumbe lemikhuhlane lokunengi okuhlasela umzimba. Wapheleliswa ekusilisweni ngoba kulokuphelela emsebenzini kaNkulunkulu. UGenesise 1:31 uthi, "UNkulunkulu wasebona konke akwenzileyo, khangela-ke kwakukuhle kakhulu..." Khangela akukhulumayo: UNKulunkulu wasebona konke akwenzileyo, khangela-ke kwakukuhle. Kumele uzikhangele ekukhanyeni lokhu.

Uphelele; lokhu kutsho ukuthi umuhle, uphelele, ufanele, awula sici, ugcwele, ulamandla. Uphelele ngakho konke okuhle, lakobuNkulunkulu. Kuyakuncedisa ukuthi uzwisise ukuthi ngani iBhayibhili lisithi uphelele kuKristu (AbaseKolose 2:10). Yikho umele ume njalo uqine njalo uyale ukugula. Yala ukwehluleka loba ukuba ysogqili sempilo. Hamba ekubuseni lasemandleni phezu kukaSathane, labalandeli bakhe lakho konke okusemhlabeni. Uqakathekile kuNkulunkulu- uphelelisiwe ekulungeni lasebungcweleni. Inkazimulo mayibe eBizweni lakhe laphakade.

Umkhuleko

Baba othandekayo, ngiyakubonga ngokungenza omuhle njalo lopheleleyo. Ungumsebenzi wakhe opheleleyo, owadalelwa kuKristu Jesu ngemisebenzi yakhe emihle. Ngihamba endleleni angilungisela zona ezokuphumelela, ukunqoba, lokulunga, ukuphelela kuKristu, njalo uphelele ngobuNkulunkulu bonke langempilo yakhe, eBizweni lika Jesu. Ameni.



Qhubeka ngembalo

UJakobe 1:18

1 UPetro 2:9

UmTshumayeli 3:14

(Lumlayezo uthathwe ku:
Rhapsody of Realities (Ndebele)
Wabhalwa ngu:
Umfundisi Chris Oyakhilome DSc DD.
Ungalilanda ngokuphelele ngolimi lwakho ku: https://rhapsodylanguages.tniglobal.org/regions/
Eminye imfundiso ungayithola ku: https://bit.ly/Shona_Church)