English Manyika Nambya Ndau Ndebele Shona 

Mulawo WoMpepo Wobupenyu

Thursday, 16 October 2025

*We want this message to reach *7 Billion people globally*. Your donation will help us reach them. You can send it using the *KingsPay mobile App (Code: TNIOG)*, or on Ecocash (Zimbabwe) using the following shortcode: *151*2*6*58225# God Bless You!

"Mulawo woMpepo una bupenyu wamusungunula mumulawo woluchinyo nowokufa" (BaRoma 8:2).

Muna 1 Johani 3:4, uMpositoli Johani unokwala, "Aani naani unota luchinyo unotaluka Mulawo, nokuti kuchinya kutaluka Mulawo." Koga nokudalo, Paulo muna 1 Timoti 1:9 unotibuja, "Eziba kuti Mulawo aujakabigilwa ulolulama..." akale ndisu balolulama. Inobuza umbhuzo yoyu unoti, "SamaKristo, tipopasi pomulawo na?"

Eya, tili ibo, koga umwe mulawo. Awutoba Mulawo waMozisi. Awutoba mulawo woluchinyo nowolufu. Mulawo woMpepo wobupenyu. Ndiwo wakashobwa noMpositoli Jemusi kuwi mulawo wolusununguko lulopelelela muna Jemusi 1:25: "Koga unhu unolinga nokutokoloja kumulawo ulopelelela wolusununguko, ebhatana nawo, kusi kuti sonhu unowha kova ekanganwa koga sounota zwaanowha yoyo unookombolelwa muna zwose zwaanota."
Mawhi yayo, "mulawo wolusungunuko ulopelelela" mawhi anoshantisa kasa. Mulawo unoleba kujibijwa, koga yopa unobuza lusununguko. Mulawo yoyu unoshinga munasu kukubhisa zwijibijo zwinobhuda kunaSatani. Chitondejelo, Kulwala kungoswika mumbili, kunokanganisa buchilo bonhu. Koga kuboka ngakube kuna Mwali, iBhayibhili linoti Jesu Kristo wakabhisa lufu, akale akabuza bupenyu nokusofa kumwenje." (2 Timoti 1:8-10). Aleluya!

Kana ulikazwala papya, unanobupenyu businopela, akale bupenyu businopela abutoshaka kuchijwa. Nokudalo, azwinani nokuti ini zwawila umbili uwo; ungokovonga bupenyu bwaMwali muMpepo uwo, umbili uwo wose unosimiswa. IBhayibhili linoti, "Kana umpepo wooyo, wakamusa Jesu mubafi, uligele mwamuli, iye, wakamusa Jesu Kristo mubafi, unoopa bupenyu mibili yenu inofa" (BaRoma 8:11).
UMpepo uNchena ndiwo unogala ukupa bupenyu. Zwinhu zwose zwomunyika zwinobulaya, bupenyu bumushinga munawi akale nomuna zwose zwilobhatana nawi, nokuti umo mubugalo bwobupenyu. Wakapinda kulufu unda kubupenyu (Johani 5:24). Haleluya!
Unamato
Tate banodikana, ndinomuboka nomulawo wolusununguko ulopeleleal wandinolalama nawo akale nowandinoshinga nawo. Ndinokwenda mulusungunuko lwoMpepo, ndikasunungulwa kuzwijibijo zwose akale ndilikasimisilwa kuta chido chenu. Ndinomema kuti chinangwa chenu chilozhajikijwa munami akale nami, akale ndinobuza bululami bwenu muna zwose zwandinota, muZina lyaJesu. Ameni.

Kuchigija Indaijo
Romans 8:10-11
Galatians 5:1
John 5:24

(This article was culled from:
Rhapsody of Realities (Nambya)
Authored By:
Untebuji Chris Oyakhilome DSc DD.
You can download a full copy in your language on: https://rhapsodylanguages.tniglobal.org/regions/
You can get other teachings on: https://bit.ly/Shona_Church