English Manyika Nambya Ndau Ndebele Shona 


Kuzwalwa Papya - IChokomende ChoMpepo

Friday, 17 October 2025

*We want this message to reach *7 Billion people globally*. Your donation will help us reach them. You can send it using the *KingsPay mobile App (Code: TNIOG)*, or on Ecocash (Zimbabwe) using the following shortcode: *151*2*6*58225# God Bless You!

"Nokudalo kana aani wose eli muna Kristo, waba chibumbwa chipya, zwantolo zwapinda; jobonani kwabhuka zwipya" (2 BaKolinte 5:17).
.
Kamwempela, undaiji unoshonipika wokuJuda, Nikodimasi izina lilye, wakezha kobona She Jesu. Wakabeli untongi wabaJuda, koga kojoba wakabeli umvumili, pana zwakabesina. Tezi bakondinga bakalebeleka mawhi alokosha akacheka pakati luzibo lulwe lwoluvumilo nemipilo: "Kuzhe kwokuti unhu ezwalwe bupya, aangabone bushe bwaMwali" (Johani 3:3).
Nikodimu, achenamiswa nayezwi, wakabhuza, "Unhu angazwalwa chini aba unkulwana biya?" Koga iShe Jesu abajakabeleba kuzwalwa kwenyama; bakabetondejela ichokomende chompepo chinantika. Kuzwalwa papya akutoba luvumilo chete, koga ichokomende choMpepo. Zwinoleba kutambula bupenyu bupya- bupenyu nechimilo chaMwali emene.

Pawakazwalwa bupya, aujakabuzwa kuluvumilo chete; kwakaba nokushandulwa kusijilozibilika. Kwakabeli kuzwalwa kabili kwechokomende. Bupenyu bwonhu bwashandulwa nobupenyu bwobuMwali pokuzwalwa bupya. Kuna zwakatikana mumpepo; wakabhiswa kulufu usengwa kubupenyu nokusofa: "Chokomende, chokomende, ndinoti kwamuli; Yoyo unowha iwhi lyangu, nokudimbwa kwabali bakandituma, una bupenyu businopela, aatoongwina pakubetekeswa, koga wabhuda mulufu, wangwina mubupenyu" (Johani 5:24).

Ngweno zwawazwalwa bupya, wakazwalwa neWhi noMpepo waShe: "Yecho chakazwalwa nenyama inyama, necho chakazwalwa noMpepo umpepo. Usishamiswe nokuti ndati kwauli: unokwelela kuzwalwa bupya" (Johani 3:6-7). 1 Pita 1:23 inoti, "Nokuti mwakazwalwa bupya kusi kuti nembeyu yakabola, koga neisijakabola, ndiyo iWhi ibhenyu akale lisinopela lyaMwali."
IBhayibhili akale linoti muna Johani 1:12-13, "Koga bose bakontambula, wakabapa isimba lyokuti bebe bana baMwali, ibo yabo banodimbwa kuzina lilye, yabo basijakazwalwa nelopa; kana nokuda kwenyama, kana nokuda kwonhulume, koga bakazwalwa naMwali." Ndizwo zwinolebwa nokuzwalwa bupya; ulozwalwa naMwali, nobupenyu bubwe akale nechimo chiche mumpepo uwo. Alosiyana nayabo basili maKristu. SobwaliJesu, ndimwo mwauli munyika yeyi (1 Johani 4:17). Haleluya!
Unamato
Tate banodikana, ndinomuboka nobupenyu busijilozibilika bwaKristu bukumushinga munami ngweno. Ndakazwalwa neWhi lisinobola, linogala nokusinopela; anditoba unhu koga. Ndichibumbwa chipya, chakazwalwa neWhi lyenu akale noMpepo wenu. Ndinolalama bupenyu bwopezhulu, buzhele lukujo akale nobululami. Ndinokwenda mukuzunda mazhuba ose, muZina lyaJesu. Ameni.

Kuchigija indaijo
John 3:3-8
James 1:18
Galatians 2:20

(This article was culled from:
Rhapsody of Realities (Nambya)
Authored By:
Untebuji Chris Oyakhilome DSc DD.
You can download a full copy in your language on: https://rhapsodylanguages.tniglobal.org/regions/
You can get other teachings on: https://bit.ly/Shona_Church