Ukuzalwa Kakutsha-Kuyiqiniso Elingokomoya

Friday, 17 October 2025

*We want this message to reach *7 Billion people globally*. Your donation will help us reach them. You can send it using the *KingsPay mobile App (Code: TNIOG)*, or on Ecocash (Zimbabwe) using the following shortcode: *151*2*6*58225# God Bless You!

Ngakho-ke, nxa umuntu ekuKhristu, uyisidalwa esitsha; okudala akusekho, sekufike okutsha. (2 AbaseKhorinte? ?5?:?17? ?).????????????

Kwakulendoda eyayihlonipheka, engumFarisi, eyayililunga lomphakathi wamaJuda abusayo, egama layo nguNikhodimasi, yeza ukuzobona uJesu. Yayililunga lababusi bakwaJuda, kodwa ngaphezu kwenkolo yonke ayelayo, kwakukhona okusilelayo. INkosi yambheka, yamtshela amazwi asuka amdida phezu kolwazi lonke lwenkolo ayelalo: UJesu waphendula wathi, Ngempela ngiqinisile ngithi kini, akakho ozawubona umbuso kaNkulunkulu ngaphandle kokuba azalwe kutsha. (UJohane? ?3?:?3? ).????????

UNikhodimasi ngokudideka, wabuza wathi, Umuntu angazalwa kanjani yena esemdala na? Kodwa iNkosi uJesu yayingakhulumi ngokuzalwa kwenyama, kodwa wayeveza iqiniso elijulileyo lokomoya. Ukuzalwa akuwona umutsho nje ongatsholutho osetshenziswa abenkolo, kodwa kuliqiniso lokomoya. Kuchaza okwamukela impilo entsha-impilo lemvelo kaNkulunkulu uqobo lwakhe.

Mhla uzalwa kutsha, awuzange nje walethwa enkolweni; kodwa kwaba lenguquko eyisimangaliso eyenzekayo. Kwakuyikuzalwa uqobo lwakho. Impilo yakho yenyama yasuswa esikhundleni sayokwangena impilo yobunkulunkulu. Kukhona ngempela okwenzakalayo emoyeni; wasuswa ekufeni walethwa ukuphileni lokungafi: Ngiqinisile ngithi lowo owezwayo amazwi ami amkholwe lowo ongithumileyo ulokuphila okungapheliyo njalo kazukulahlwa; usechaphile wasuka ekufeni waya ekuphileni. (UJohane? ?5?:?24? )????????

Namhlanje njengoba usuzelwe kakutsha, usuyinzalo yeZwi, kanye loMoya weNkosi: Inyama izala inyama, kodwa uMoya uzala umoya. Ungamangaliswa yikuthi ngithi, Kumele lizalwe kutsha. UJohane? ?3?:?6?-?7?. 1 KuPhethro 1:23 uthi, Ngoba selizelwe kutsha, kungasikho ngenhlanyelo ebolayo, kodwa ngengaboliyo, ngelizwi eliphilayo eliqinileyo likaNkulunkulu. ????????????

IBhayibhili liphinde lithi kuJohane 1:12-13, Ikanti kulabo bonke abamamukelayo, kulabo abakholwayo ebizweni lakhe, wabapha ilungelo lokuba ngabantwana bakaNkulunkulu, abantwana abangazalwanga ngokwemvelo, kumbe ngokukhetha komuntu, loba ngokufuna kwendoda kodwa bezelwe nguNkulunkulu. Lokhu yikho kanye okutshiwoyo lapho sikhuluma ngokuzalwa kakutsha; usuka ngempela ngokoqobo usungozelwe nguNkulunkulu, usulempilo lemvelo Yakhe emoyeni wakho. Usuhlukile ngokwemvelo kulalabo abangasibo maKhristu. Njengoba uJesu enjalo, lawe usunjalo emhlabeni (1uJohane 4:17). Halleluya!

Umkhuleko
Baba othandekayo, ngiyayibonga impilo engummangaliso ekaKhristu esisebenza kimi. Sengizelwe ngokwenhlanyelo engaboliyo yeZwi, eliphilayo njalo elimi ngokunaphakade; angiyena umuntukazana. Sengiyisidalwa esitsha, sengizelwe ngokweZwi kanye langoMoya. Ngiphila impilo yaphezulu, elenkazimulo kanye lokulunga. Ngihamba ekunqobeni nsukuzonke, ngeGama likaJesu. Ameni.

Qhubeka Ngembhalo
John 3:3-8
James 1:18
Galatians 2:20

(This article was culled from:
Rhapsody of Realities (Ndebele)
Authored By:
Pastor Chris Oyakhilome DSc DD.
You can download a full copy in your language on: https://rhapsodylanguages.tniglobal.org/regions/
You can get other teachings on: https://bit.ly/Shona_Church