Kubarwa KeChipiri Kunotoa Kubarwa Kwemene

Chishanu, 17 Gumiguru 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise

Ndizvo kudai munhu ari munaKristu, waa chisikwa chitsva, zviro zvekaretu zvapinda, wonai zvaitwa zvitsva (2 VaKhorinte 5 ndima 17).

Pane umweni murume wakambouya kuna Jesu. Murume uyu waizwi Nikodhemusi. Waiya ari mudzidzisi wevaJudha. Waitoremeredzwa yaamho. Asi une zvaaiya asikazwisisi. Mambo vakamuringira. Vakaronza mazwi. Mazwi akhona aipokana nezveshe zvaaiya akafundiswa. Tinoaerenga muna Johani yechitatu ndima yechitatu. Inoti, Ngegwinyiso ndinoti kwouri, kudai munhu asabarwa ngokwomudenga, aakoni kuona umambo hwaMwari.

Mazwi aya akavhiringa Nikodhemusi uyu. Wakabva abvunza Mambo. Wakati, Munhu ungaita mabarirwenyizve apo aamusharuka? Asi Mambo Jesu vaiya vasiri kuronza kubarwa kwomuiri wenyama. Vaiya vari kuronza kubarwa kwomweya. Ndizvo munhu unotokona kubarwa kechipiri. Iri arisiri dimikira. Chiro chinotoitika. Munhu uyu unenge ari kutotsandurwa dzinza. Echiitwa wedzinza raMwari pachezvavo. Echiitwa wengazi yaMwari.

Dangani iwewe wakabarwa kechipiri. Apa waiya usiri kungoitwa munamati. Waiya uri kutotsandurwa dzinza. Uchiitwa munhu wengazi yaMwari. Mweya wako wakatotsandurwa musi uyu. Wakaduswa mundau inofa zviro. Ukaiswa mundau isikafi zviro. Izvi ndizvo zvetinoona muna Johani yechishanu ndima yemakumi mairi nechirongomuna. Inoti, Ngegwinyiso ndinoti kwomuri, uwo unozwa izwi rangu, atende uwo wakandituma, waanakwo kupona kusikaperi; aachapindi mukutongwa, asi wadarika kubva mukufa kupotera mukupona.

Iwewe wakabarwa kechipiri. Izwi raMwari ndiro rakakubara apa. Mweya Wakachena ndivo vakaita kuti ubarwe kudaro. Izvi ndizvo zvetinoona muna Johani yechitatu ndima yechitanhatu kuguma yechinomwe. Inoti, Munhu unobarwa ngokwenyama inyama, unobarwa ngokwoMweya mweya. Usashama ngokuti ndati kwouri, Kunosisira kuti ubarwe ngokwomudenga. Tsamba yaPetro yokutanga chitsauko chokutanga ndima yemakumi mairi nechitatu inoti, Imwimwi mwakabarwazve patsva, haiwa ngembeu inoora, asi ngeisikaori, kubudikidza ngeIzwi raMwari rinopona mhera nariini.

Johani wekutanga ndima yegumi nembiri kuguma gumi nechitatu inotiwo, Asi kwavari veshe vakamuashira, avo vakatenda muzina rake, wakavapa simba rokuti vaite vana vaMwari; avo vasikazi kubarwa ngengazi nokuti ngokuemura kwenyama nokuti ngokuemura kwomunhu, asi vakabarwa ndiMwari. Izvi ndizvo zvinoronza kubarwa kechipiri. Unenge uri kutobarwa ndiMwari pachezvavo. Uchitobva watsanduka dzinza. Mweya wako uchia wedzinza ravo. Uchia wengazi yavo. Ndizvo unenge usisiri wedzinza revanhu vasikazi kuponeswa. Uchiri munyika muno hako. Asi watodzana naJesu panezveshe. Izvi ndizvo zvetinoziiswa mutsamba yaJohani yokutanga chitsauko chechirongomuna ndima yegumi nechinomwe. Hareruya!

Kumbira Weiti
Baba vendinoda. Ndinomubonga. Ndakatsanduka dzinza. Ndaa Mumwari. Ndaa wengazi yaKristu. Ndakabarwa ngeIzwi raMwari. Izwi iri rinogara mhera nariini. Ndasiyana nevanhu vomunyika muno. Ndaa chisikwa chitsva. Ndakabarwa ngeIzwi raMwari. Ndakabarwa ngeMweya wenyu. Ndaa kurarama kupona kweVamwari. Ndaa kupona mukururama. Ndinonyisa zviro zvomunyika muno. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Johane 3 ndima 3 kusvika 8
Jakobo 1 ndima 18
Vagaratiya 2 ndima 20

(Chidzidzo ichi chatorwa kubva mu:
Rhapsody of Realities (Ndau)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church