Vona Vanozia Zveshe

Soto, 8 Gunyana 2024

*Tiri kuda kugumisa zvinofundiswa izvi kuvanhu veshe, pashi reshe.* Chipo chako kudetsera pamushando uyu. Unokona kuchituma neEcoCash pa: *151*2*6*58225# Mwari vakufumisei

Naapo Mweya wegwinyiso wauya, unozomutungamirira mugwinyiso reshe; ngokuti aazodziereketeri ngesimba rake, asi zvaanozozwa, ndizvo zvaanozoereketa, naye unozomuronzera zviro zvichauya (Johani 16 ndima 13).

Vamweni vanhu vangarwara. Kazhinji vanenge vasikazii zvinenge zviri kuvarwarisa. Ndizvo vanotenga mitombo. Imweni yemitombo iyi inotozovatutsira kurwara. Vanhu ava vangasazopora. Vanobva vashamisika ndizvo. Vechiti, Ngenyi ndiri kutambura kudai? Ngendaa yenyi ndeirwara kudai? Ngenyi izvi zviri kuitika kwendiri?.

Mweya Wakachena ndivo vewakatumirwa. Varipo kukuziisa zviro zveshe. Ndivo vanokuziisa ngezveutano hwako. Vanokona kukudetsera kuzwisisa zvinenge zviri kuitika mumuiri wako. Vechizokuziisazve kuti ungazviita manasirisirenyi. Mweya Wakachena ava murapi. Waiya uchizvizia ere? Iwewe ungaa neMweya Wakachena ava mwouri. Vanozoraramisa muiri wako wenyama. Izvi ndizvo zvinoronzwa ngeBhaibheri. Ndizvo ungabatwa chirwere. Usaneseka hako. Mweya Wakachena vaa kugara mwouri. Saka unotopora. Mwari ngavakudzwe saMwari.

Dangani une zvidzidzo zvouri kuita. Mweya Wakachena ndivo Mudzidzisi wako. Ndivo Mudzidzisi vanogara mukati mwako. Vona vanozia zveshe. Saka unosisira kuvateerera. Ndivo vane mazano eshe aMwari. Ndivo vanozia zveshe. Ndivo vanozwisisa zveshe. Vanokona kukudetsera kuzia zvinodikanwa ndiMwari. Vanokona kukupa mazano aMwari. Vanokona kukudetsera kuzwisisa zviro zvemweya. Ingovakumbira kuti vakudetsere.

Mweya Wakachena varipo kukudetsera. Vanoda kukudetsera muzviro zveshe zvokupona. Vanokudetsera mumishando yako. Vanokudetsera kungwarira mhuri yako. Vanokudetsera kungwarira mare yako. Vakauya kuzokudetsera kunyisa zviro zvomunyika muno. Vechikuita munhu anoshamisa. Mweya Wakachena unotoa pfuma. Ndiyo pfuma yako hurutu munyika muno. Vona vanokudzidzisa Izwi raMwari. Vechikukarakadzisa zvewakafunda.

Mweya Wakachena vanokutungamirira. Vanokutungamirira paya pounenge uri kukumbira. Vechikuonesa zvichauya mangwani. Ndizvo azviiti kuti unyiswe. Azviiti kuti ukundikane. Pona somunhu anozia kuti vona vanogara mwouri. Uyezve vanewe nguwa dzeshe. Izvozvo zvinozoita kuti vona vatutsire kushanda mukupona kwako. Iwewe unokona kutobhuyirana navo. Avanesi kubhuya navo sezvingaita kubhuya nevamweni vanhu veshe. Vona ndivo mudzidzisi wako. Mudzidzisi wako anogara anewe. Ndivo mudetseri wako. Ndivo mutungamiriri wako. Saka vabonge.

Kumbira Weiti
Baba vendinoda. Ndinomubonga. Mweya Wakachena vari kushanda mukupona kwangu. Vechindidetsera kunyisa zvendinoshongana nazvo mukupona. Mungaa mumare dzangu. Nokuti muutano. Nokuti kumushando. Nokuti mumhuri. Nokuti mushumiro yangu. Ndinogara ndechiteerera kwevari. Ndechitsvaka kuzia zvevanoda kuti ndiite. Ndinoshandisa mazano aMwari pakupona kwangu. Ndinozia zvendinosisira kuita mukupona. Saka ndinorarama kupona kwendakarongerwa munaKristu. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Johane 16 ndima 13 AMPC
Johane 14 ndima 26
VaRoma 8 ndima 26 kusvika 27 AMPC

(Chidzidzo ichi chatorwa kubva mu:
Rhapsody of Realities (Ndau)
Rinonyorwa ndi:
Mufundisi Chris Oyakhilome DSc DD.
Mungoriwana pa: https://rhapsodylanguages.tniglobal.org/regions/
Zvimweni zvinofundiswa munozviona pa: https://bit.ly/Shona_Church