Mupango WeMweya WoKupona

China, 16 Gumiguru 2025

*Tiri kuda kugumisa zvinofundiswa izvi kuvanhu veshe, pashi reshe.* Chipo chako chinokona kudetsera pamushando uyu. Unokona kuchitumira ngeEcoCash pa:: *151*2*6*58225# Mwari vakufumise

Ngokuti mupango woMweya wokupona munaKristu wakandisunhura kubva kunemupango wokushaisha neworufu (VaRoma 8 ndima 2).

Johani une mazwi aakanyora. Tinoaerenga mutsamba yake yokutanga chitsauko chechitatu ndima yechirongomuna. Inoti, Munhu weshe unoita zvishaishi unogura Mipango, ngokuti chishaishi kugura Mipango. Phauri une mazwi aakanyorawo. Tinoawana mutsamba yake yokutanga kuna Thimothi chitsauko chokutanga ndima yechipfumbamwe. Inoti, Izvi zvinoronza kuzwisisa, kuti Mipango aizi kuitirwa munhu wakarurama. . Isusu tisu vakarurama vakhona. Atisirisu vakanasirirwa mupango. Ndizvo vamweni vanozobvunza vechiti, Vakacheneswa vane mupango wevakapuwa ere?

Eya. Vane mupango wevakapuwa. Asi mupango wakhona ausiri uya waMosi. Ausiriwo mupango wezvishaishi. Iwo mupango uya unouraya. Vakacheneswa vakapuwa mupango waMweya wokupona. Jakobe unotsanangurawo mupango uyu. Unouti mupango wevanhu vakasunhurika. Izvi ndizvo zvetinoona muna Jakobe yokutanga ndima yemakumi mairi nechishanu. Inoti, Asi uwo unoringira mupango wakaperera wokusunhurika, echiangira kudaro, asikaiti unozwa echiriyarwa, asi muiti womushando, uyu munhu unozofumiswa muzviito zvake.

Mundima iyi mune mazwi anoti, mupango wakaperera wokusunhurika. Mazwi aya anoshamisa yaamho. Ngokuti mupango unosunga vanhu. Ndikwo kuzia kwetinoita mupango. Asi uyu uri kuzwi unosunhura vanhu. Mupango uyu mutemo. Unoshanda mukati mwedu. Unodusa zveshe zvinotsvaka kutisunga. Zvona zviya zvinobva kuna Sathani. Zviro izvi zvinosanganisira urwere. Urwere hunotsvaka kuparadza munhu. Huchimusunga. Huchimukonesa kuita zvaanoda. Asi tinobonga Mwari. Kristu Jesu vakaparadza rufu. Vakaita kuti tikone kuwana kupona. Uyezve tikone kusafa. Izvi ndizvo zvetaona mutsamba yaPhauri yechipiri kuna Thimothi chitsauko chokutanga ndima yechisere kuguma yegumi. Hareruya!

Iwewe ungaa wakabarwa kechipiri. Izvi zvinoronza kuti wakatsanduka dzinza. Waa wengazi yeVamwari. Vanhu vengazi iyi avasisiri kuita zvokurapwa. Avabatiri matenda. Saka matenda angatsvaka kuvabata hazvo. Ivo vanokona kumusa simba rengazi yaMwari. Vanorimusa mumweya yavo. Miiri yavo inobva yagwinyiswa. Ichibva yadzingira matenda aya kuretu. Izvi ndizvo zvetinoona muna vaRoma yechisere ndima yegumi naimwe. Inoti, Kudai Mweya wouwo wakamusa Jesu kubva kwevakafa wechigara mukati mwenyu, uwo wakamusa Kristu kubva kwevakafa unozoponesazve miiri yenyu inofa ngoMweya wake unogara mukati mwenyu.

Mweya Wakachena vaa kugara mwouri. Mweya Wakachena ava vanoraramisa zviro. Zviro zvomunyika muno zvinofa. Asi zvako iwewe azvifi. Azvifi ngokuti waa kugara munyika isikafi zviro. Wakaduswa mundau inofa zviro. Ukapinzwa mundau isikafi zviro. Izvi ndizvo zvetinoziiswa muna Johani yechishanu ndima yemakumi mairi nerongomuna. Hareruya!

Kumbira Weiti
Baba vendinoda. Ndinomubonga. Inini ndaa kupona ngemupango wevakasunhurika. Ndinopona mukusunhurika kweMweya Wakachena. Akuna chinondisunga. Ndaa nesimba rekuita zvomunoda imwimwi. Ndinoita mishando yenyu. Uyezve kururama kwenyu kunoonekwa pane zveshe zvendinoita. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Varoma 8 ndima 10 kusvika 11
Vagaratiya 5 ndima 1
Johane 5 ndima 24

(Chidzidzo ichi chatorwa kubva mu:
Rhapsody of Realities (Ndau)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church