Yena Wazi Iqiniso Mayelana Lakho Konke

Sunday, 8 September 2024

*We want this message to reach *7 Billion people globally*. Your donation will help us reach them. You can send it using the *KingsPay mobile App (Code: TNIOG)*, or on Ecocash (Zimbabwe) using the following shortcode: *151*2*6*58225# God Bless You!

Kodwa yena uMoya weqiniso nxa esefikile uzalikhokhela kulolonke iqiniso. Kazukuzikhulumela yena;uzakhuluma lokho akuzwayo kuphela, njalo uzalitshela lokho okusazobuya. (Johane 16:13)

Ezikhathini ezinengi, nxa abantu begula, ababikwazi ukuthi imbangela yalokhukugula kuyini. Bayazama amaphilisi atshiyeneyo, amanye walawa maphilisi abalethela ubunzima obunengi abakade bengabukhangelelanga. Besekusithi nxa isimo sabo singabingcono, baqale ukuzibuza ukuthi,Kanti vele kuyini okwenza ukuthi ngibe phakathi kobunzima obungaka? Kwenziwa yini ukuthi lokhu kungehlele?

Kathi-ke, uMoya oNgcwele wathunyelwa ukuthi azokuholela eqinisweni lonke, mayelana lempilo yakho. Yena uyakwazi ukuthi akwenze ubekwazi ukuthi imbangela yohlupho lwakho kuyini lokuthi ungalueda njani. Uyakwazi yini ukuthi uMoya oNgcwele unguMelaphi? Yebo, kunjalo! Lithi iBhayibheli, uma yena ephila ngaphakathi kwakho uzanika impilo emzimbeni wakho wenyama. Akulandaba ukuthi bathe ulomkhuhlane bani, njengoba yena esephila ngaphakathi kwakho, ulesiqiniseko sokuthi kungaba lenguquko. Mayidunyiswe iNkosi!

Mhlawumbe ungumfundi, wenza umsebenzi othile wesikolo, uMoya oNgcwele ungumbalisi ohlala ngaphakathi kwakho. Kumele nje wena umlalele ngoba uyakwazi konke. UnguMoya wokuhlakanipha, wonkwazi lokuqedisisa. Uyakwazi ukuthi akugcwalise ngolwazi lwentando kaNkulunkulu lokuqedisisa kukamoya mayelana lakho konke. Mbuze nje wena kuphela.

UMoya oNgcwele ulande ukuzokusiza kukho konke okuphathelane lempilo yakho, kungabe kuphathelane lemuli yakho, umsebenzi wakho noma izimali zakho. Yena ulande ukuzokusiza ukuthi unqobe ube yisimanga phakathi kwabanye. Yena uqakatheke ngaphezu kwakho konke olakho lapha emhlabeni, uzakufundisa iZwi likaNkulunkulu, akukhumbuze izinto zonke osusifundisiwe.

UMoya oNgcwele uyakuhola emthandazweni, akutshengise izinto ezisazokwenzakala kwelizayo. Ngakho-ke nxa ulaye, angeke uze wehluleke. Khuthaza umsebenzi wakhe empilweni yakho ngokuvuma ukuthi ungaphakathi kwakho, ulawe ngaso sonke isikhathi. Ungakhuluma laye ukwedlula wonke umuntu ombonayo. Mbonge ngokuba ngumfundisi wakho, lomsizi.

Umkhuleko
Baba othandekayo, ngiyabonga ngenkonzo kaMoya oNgcwele empilweni yami. Ngilalele ngaso sonke isikhathi ukuhola kwakhe, yena ungiholela ekunqobeni kukho konke empilweni yami, emsebenzini wami, lasemulini yami. Ngisebenzisa ukuhlakanipha lokuqonda ngisazi ukuthi kumele ngithathe ziphi izinyathelo ngaso sonke isikhathi, ngigcwalise isifiso sikaNkulunkulu mayelana lempilo yami.
Ngegama likaJesu Khristu. Ameni.

Qhubeka Ngembhalo
Romans 8:26-27 AMPC
John 14:26
John 16:13 AMPC

(This article was culled from:
Rhapsody of Realities (Ndebele)
Authored By:
Pastor Chris Oyakhilome DSc DD.
You can download a full copy in your language on: https://rhapsodylanguages.tniglobal.org/regions/
You can get other teachings on: https://bit.ly/Shona_Church