Kukosha KweMweya WoMunhu

Chipiri, 2 Zvita 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

“Ngokuti munhu unozouyirwa ngenyi, kudai echiuyirwa ngenyika yeshe, arashe ndaramo yake?” (Marako 8 ndima 36).

Mwari vanokoshesa mweya womunhu. Vanomukoshesa kupinda pfuma yeshe yomunyika muno. Vanomukoshesa kupinda masimba eshe omunyika muno. Iri ndiro gwinyiso. Asi rinoshamisa yaemho. Apana chiro chinokosha semweya womunhu. Johani wechitatu ndima yegumi nechitanhatu inoti, “Ngokuti Mwari wakaida nyika kudai, wakahina Mukororo wake wakabarwa ari ega, kuti veshe vanomutenda vasafa, asi vaone kupona kusikaperi”.

Mambo Jesu avazi kufira zviro zvomunyika muno. Avazi kufira zviakwa. Avazi kufira miti neshango. Vakafira vanhu. Ndizvo mweya womunhu umwe ngaumwe wakakosha. Mwari vanokoshesa munhu weshe. Avaringiri kwaakabva. Avaringiri hunhu hwake. Vanongomukoshesa zvega. Munhu wakakosha sengazi yaKristu Jesu. Izvi ndizvo zvetinoona mutsamba yokutanga yaPetro chitsauko chokutanga ndima yegumi nechisere kuguma yegumi nechipfumbamwe. Inoti, “Imwimwi munozia kuti amuzi kuripirwa ngezviro zvinoora, kudai ngesirivha nomukore, kubva kunjira isina shwiro yokupona kwenyu yomwakasiirwa ngemadzibaba enyu, asi mwakaripirwa ngengazi yaKristu ino mutengo mukuru, kudai ngeyegwai risina gotsa nokuti cheringapomerwa”.

Iwewe unosisira kuzwisisa kukosha kwemweya womunhu. Kuchumaira Vhangeri aizoiti tsika. Inozoa njira yako yokuonesa kuti unodakarira vanhu. Unozochemera vakarashika. Unozovakumbirira veshe. Auzozorori. Unozotsvaka kuti ugumise Vhangeri kwevari veshe. Sathani unotsvaka kuti vanhu vasapinimidza ngezvedenga. Ndizvo unovaaraidza ngepfuma. Ngemafaro. Ngemukurumbira womunyika muno. Asi iwewe uri mwana waMwari. Usaaraidzwa ngezviro izvi. Koshesa munhu umwe ngaumwe. Muone sepfuma hurutu. Yona pfuma inosisira kuunzwa kuna Mwari.

Bhaibheri rine amwenizve mazwi. Aya mazwi anoonesa kukosha kwemweya womunhu. Tinoaerenga muna Ruka yegumi nechishanu ndima yechinomwe. Inoti, “Ngokudaro kunozoapo kudakara mudenga ngendaa youmwe mushaishi watenderuka kupinda kudakara ngemakumi mapfumbamwe nemapfumbamwe vari vakarurama vasikatami kutenderuka”. Saka mushaishi umwe ega akaponeswa, Denga reshe rinozopemberera. Ndizvo tinosisira kugara techitenderusa vanhu. Tinotosisira kutsamwirira kuita izvi. Techitsvaka kuunza kudakara mudenga. Ndizvo iva netsika yokutenderusa vanhu. Ponesa vanhu. Sunhura mweya yevanhu kubva kuchidima. Vapinze mukujeka. Vaduse kubva kuna Sathani. Uchivaunza kuna Mwari. Apana mushando unogutsa kupinda uyu.

Kumbira Weiti
Baba vomudenga. Ndinomubonga. Mwabeura madziso angu. Saka ndaa kuona vanhu sokuvaona kwamunoita imwimwi. Mwandidetsera kuzwisisa kukosha kwomweya womunhu. Izvi zviri kundipa shungu dzokudetsera vakarashika. Ndechivachumairira Vhangeri. Ndechivadusa muchidima. Ndechivapinza mukujeka. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Ruka 15:3-7; Johane 3:16-17; Jakobo 5:20

(Chidzidzo ichi chatorwa kubva mu:
Rhapsody of Realities (Shona)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church)