Intengo Yomphefumulo

Usuku 2 Zibandlela 2025

*Sifuna umyalezo lo ufike kubantu abayizigidigidi eziyisikhombisa emhlabeni wonke. Umnikelo wakho ungasisiza sifike kubo. Ungawuthumela usebenzisa iKingsPay Mobile App (Ikhodi: TNIOG), kumbe nge-Ecocash (Zimbabwe) kusetshenziswa i-shortcode: *151*2*6*58225# UNkulunkulu akubusise!*


Kumsizani umuntu ukuzuza wonke umhlaba, kodwa alahlekelwe ngumphefumulo wakhe? (Makho 8:36)



KuNkulunkulu, umphefumulo owodwa uyadula ukwedlula umcebo wonke, inotho yonke kanye lamandla asemhlabeni. Kuliqiniso lokhu, iqiniso lasembusweni. Akulalutho olulentengo enjengeyomphefumulo womuntu. Lithi iBhayibheli, ‘uNkulunkulu walithanda ilizwe kangaka waze wanikela iNdodana yakhe eyiyo yodwa ukuze kuthi loba ngubani okholwa kuyo angabhubhi, kodwa abe lokuphila okungapheliyo.’ (Johane 3:16)



INkosi uJesu kayifelanga izinto zasemhlabeni, izakhiwo noma izithelo zeganga. Wafela abantu. Wonke umphefumulo ohlangana lawo, ulentengo ephezulu kakhulu. Wonke umuntu, kungakhathalekile ukuthi uvela ngaphi, uziphethe njani uqakathekile kakhulu kuNkulunkulu. Intengo yomphefumulo ligazi likaJesu Khristu. ‘Ngoba liyakwazi ukuthi kalihlengwanga ngezinto ezifayo ezinjengegolide lesiliva endleleni yokuphila eyize elakutshiyelwa ngokhokho benu, kodwa ngegazi eliligugu likaKhristu imvana engalacala loba isici.’ (1 Phetro 1:18-19)



Uma ungazwisisa intengo yomphefumulo, ukuba ngumvangeli kuba yinto eqakathekileyo kuwe, kuba ngumsebenzi wakho owenza ngothando. Uzakhala ukhalela abalahlekileyo. Uzabakhulekela. Uzasukuma utshiye konke ublande ubatshumayeze. Usathane ufuna abantu babe belandelana lodumo lwasemhlabeni, ukuceba, lobunandi baze bakhohlwe ukuphila okuphakade. Kodwa wena njengomntwana kaNkulunkulu, kumele ubone ngendlela ejulileyo. Bona imiphefumulo yonke njegugu elilinde ukukhululwa.



IBhayibheli lidlulela phambili lisitshela ngokuqakatheka kwemiphefumulo, ‘Ngilitshela ukuthi ngaleyondlela kuzakuba lokuthokoza ezulwini ngokuphenduka kwesoni esisodwa okudlula labobantu abalungileyo abangamatshumi ayisificamunwemunye lasificamunwemunye abangakudingiyo ukuphenduka.” (Lukha 15:7) Ake ukucabange lokhu, Uma izulu lonke lithokoza ngenxa yomphefumulo owodwa ophendukileyo, kutsho ukuthi kumele sisebenze kangakanani na ukuze intokozo le ihlale isiba khona njalo njalo. Ngakho-ke yenza umsebenzi wokuzuza imiphefumulo ube yingxenye yempilo yakho. Khulula abantu. Khulula imiphefumulo yabantu ebumnyameni ubase ekukhanyeni, lasemandleni kaSathane baye kuNkulunkulu. Akukho okusuthisa ukwedlula lokhu.



Umkhuleko

Baba othandekayo, ngiyabonga kakhulu ngokuvula amehlo ami ukuthi ngibone abantu ngendlela wena obabona ngayo. Ngiyabonga ngokungisiza kwakho ukuthi ngazi intengo yemiphefumulo, lokhu kwenza inhliziyo yami igcwale ngokukhuthala ikhuthalela abalahlekileyo, njengoba ngitshumayela iVangeli ngamandla, ngibakhulula ebumnyameni ngibase ekukhanyeni kwakho okumangalisayo. Ngegama likaJesu. Ameni.



Qhubeka Ngemibhalo

Lukha 15:7

Johane 3:16-17

Jakhobe 5:20

(Lumlayezo uthathwe ku:
Rhapsody of Realities (Ndebele)
Wabhalwa ngu:
Umfundisi Chris Oyakhilome DSc DD.
Ungalilanda ngokuphelele ngolimi lwakho ku: https://rhapsodylanguages.tniglobal.org/regions/
Eminye imfundiso ungayithola ku: https://bit.ly/Shona_Church)