Tiri Nyika YoRunako Zvega

Chitatu, 17 Zvita 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

“Ngokukasira Dhanieri uyu wakaremeredzwa kupinda nduna huru nenduna doko, ngokuti mweya wakanakisisa waiya mukati mwake, namambo wakapinimidza kumuemesa padera poumambo hweshe” (Dhanieri 6 ndima 3).

Isusu tiri vagari venyika yaMwari. Tinoita zviro ngomwazvo. Iyi inotoa tsika yedu. Atitamburiri kuita zviro ngomwazvo. Tinoita zviro zvinodakadza. Mwari Baba vanoita zviro zveshe ngomwazvo. Hino isusu takabarwa ndivo. Saka nesuwo tinoita zviro zveshe ngomwazvo. Iwewe ausisiri kungoa nounyanzvi zvega. Unosisira kuita zviro ngomwazvo. Ndikwo kuti usiyane nevanhu vomunyika muno. Uchizobudidira mukupona. Hunyanzvi hwega ahukoni kukubudiririsa zvakadaro.

Dhanieri uyu wakazoitwa mukuru pamushando. Ena waiya hake nounyanzvi. Asi unyanzvi uhu ahusirihwo hwega hwakaita kuti aitwe mukuru kudaro. Ena waiita zviro zveshe ngomwazvo. Izvi ndizvo zvetaona mundima yetabeura ndiyo. Yati, “Ngokukasira Dhanieri uyu wakaremeredzwa kupinda nduna huru nenduna doko, ngokuti mweya wakanakisisa waiya mukati mwake, namambo wakapinimidza kumuemesa padera poumambo hweshe”. Iwewe waa neMweya Wakachena. Mweya ava ndivo vakaita kuti Dhanieri aite zviro ngomwazvo. Ndizvo newewo waa kukona kuita zviro ngomwazvo.

Munhu unosisira kunge ane hunhu hwakanaka. Unosisira kunge echikona kushingirira. Aasisiri kunge ari munhu anongoteedzera vamweni. Unosisira kunge ane mapinimidziro akanaka. Ndikwo kuti akone kuita zviro zvake ngomwazvo. Mwari vanoda kuti uite zviro zvako ngomwoyo weshe. Avadi kuti ungoita. Ivo vakakupa simba rekupenya. Vanoda kuti vaonekwe pouri. Izvi ndizvo zvetinoona mutsamba yokutanga yaPetro chitsauko chechipiri ndima yechipfumbamwe. Inoti, “Asi imwimwi muri dzinza rakatsanangurwa, muri voupristi hwoumambo, dzinza rakachena, vanhu vaMwari vaakadzionera, kuti muchumaire ngemishando inesimba yaakaita uwo wakamudaidza kubva muchidima, kuti mupotere mukujeka kwake kunoshamisa”.

Tsamba yechipiri yaPetro chitsauko chokutanga ndima yechitatu inoti, “Simba rake rouMwari rakatipa zviro zveshe zvinotamika mukupona uku, nomukudira kubudikidza ngokuzia uwo wakatidaidza ngouthende hwake nokunaka”. Mwari ndivo vakaronga kuti uve wedzinza ravo. Ndivo vakaronga kuti uite zviro zveshe ngomwazvo. Izvi ndizvo zvetiri kuona mundima iyi. Ndizvo ita zviro zvako ngomwazvo. Shandira Mwari ngomwazvo. Ita mishando yako ngomwazvo. Ita zvidzidzo zvako ngomwazvo. Ronga kuita zviro zveshe ngomwazvo. Ereketa somunhu anoda kuita zviro ngomwazvo. Onekera somunhu anoita zviro ngomwazvo. Ita zviro zvako ngenguwa. Uchionesa kuti unoita zviro zvako ngomwazvo.

Tsamwirira pamishando yako. Usaita zviro zvako sevanhu veshe veshe. Usangoti chero zvaitwa. Ipa zvakanakisisa. Usikatsvaki kudakadza vanokuona. Asi ngokuti wakaemerera nyika yaMwari. Ndiwe kururama kwaMwari. Ikwo kururama kuya kuri muna Kristu Jesu. Munhu wakarurama unoita zviro ngomazvo. Ndizvo pangaa nomushando wounosisira kuita. Uyu unenge uchitoa mukana wekuonesa runako rweVamwari. Ndizvo usaita zviro uchisiirira zvimweni. Zviite ngomwoyo weshe. Zvechibuda zvinodakadza. Vanhu vanosisira kukona kugonda ndiwe pamushando.

Kumbira Weiti
Baba vendinoda. Ndinomubonga. Mweya Wakachena vari mwendiri. Vakandipa mweya wokuita zviro ngomwazvo. Ndinoita mishando yangu ngomwoyo weshe. Andiiti ndechisiirira zvimweni. Andingoteedzeri zvinoitwa ngevanhu veshe veshe. Inini ndinoemerera nyika yenyu ngomwazvo. Runako rwenyu runoonekwa pakupona kwangu. Kunoonekwa pamishando yendinoita. Andingoiti zviro. Ndinozviita ngomwazvo. Ngokuti mukuru wakhona ndiye unogara mwendiri. Wakapinda uya uri munyika muno. Ameni.

Dzimweni Ndima Dzinotsinhira Kufunda KwaNyamashi:
Zvirevo 22:29; VaFiripi 1:9-10; Danieri 6:3 AMPC

(Chidzidzo ichi chatorwa kubva mu:
Rhapsody of Realities (Shona)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church)