Ubekwe Esihlalweni Sobukhosi Ukuze Ubuze

Usuku 18 Zibandlela 2025

*Sifuna umyalezo lo ufike kubantu abayizigidigidi eziyisikhombisa emhlabeni wonke. Umnikelo wakho ungasisiza sifike kubo. Ungawuthumela usebenzisa iKingsPay Mobile App (Ikhodi: TNIOG), kumbe nge-Ecocash (Zimbabwe) kusetshenziswa i-shortcode: *151*2*6*58225# UNkulunkulu akubusise!*


“lobukhulu obumangalisayo bamandla akhe kithi esikholwayo. Lokhu kuyikusebenza kwamandla akhe amakhulu awasebenzisa kuKristu ngokumvusa kwabafileyo, lapho emhlalisa ngakwesokunene sakhe ezulwini, ngaphezu kwakho konke ukubusa, lobukhulu, lamandla, lobukhosi, laphezu kwamabizo wonke aphathwayo, kungesikho kulesisikhathi kuphela kodwa lesikhathini esizayo.” (Efe 1:19-21 ).

INkosi uJesu, mhla evuswa kwabafileyo, wabekwa esihlalweni sobukhosi, khatshana kakhulu ngaphezu kwakho konke ukubusa lobukhulu, lamandla, lobukhosi, laphezu kwamabizo wonke aphathwayo, hatshi kulesisikhathi kuphela kodwa lasesikhathini esizayo. Ulamandla aphakemeyo phezu kwawo wonke umkhathi. Kodwa uyazi ukuthini? Wasivusa kanye Laye, wasihlalisa ndawonye laye.

Lokhu kungoba, ngokutsho kombhalo, mhla uJesu esenyukela ezulwini eiyahlala esandleni sokudla sikaNkulunkulu, okuchaza indawo yamandla, ukubusa lobukhulu, thina sasikuye. Ngakho-ke sihleli ndawonye Laye endaweni yamandla lokubusa. Sibekiwe esihlalweni sobukhosi ukuze sibuse. Abase-Efesu 2:6 AMPC uthi, “Wasivusa kanye loKristu Jesu, wasihlalisa kanye laye ezulwini, (wasinika isihlalo sinye Laye) endaweni zasemazulwini (ngenxa yokuba kwethu) kuKhristu Jesu [onguMesiya, oGcotshiweyo].”

Lokhu kuyasichazeka ukuba kungani wasinika iBizo Lakhe ukuba siphile ngalo, silisebenzise emhlabeni, ngoba ezulwini, ungumeli wethu. Namhlanje sime endaweni kaJesu, siqinisa ukuba intando kaBaba yenziwe lapha emhlabeni. Wathi kuMakho 16:17-18, “Lezizibonakaliso zizakubalandela abakholwayo; ebizweni lami bazakukhupha omoya ababi, bakhulume ngendimi ezintsha, bazakuphatha inyoka ngezandla; uba benatha okubulalayo, kakuyikubalimaza; bazakubeka izandla phezu kwabagulayo, basile.”

KuMathewo 10:8 waphinda wathi, “Silisani abagulayo, livuse abafileyo, lihlambulule abalobulephero, likhuphe omoya ababi…” Ngakho-ke sebenzisa amandla lokubusa kwakho kuKhristu phezu kwemikhuhlane, izifo, ukufa kanye lezimiso zalumhlaba. Phila njalo usebenze usuka kuso kanye lesisihlalo lobukhona bamamdla obunkulunkulu. KuKhristu usendaweni yokubusa okukhulu.

Amandla kumbe izimiso zalumhlaba kungazama ukukunyathezela njalo zikwenze ukholwe kumbe wenze okuphambene leLizwi. Kudwa kumele ume uqine njalo ubuse phezu kwazo ngeGama likaJesu. IsiKhristu siyimpilo yokubusa kanti futhi sibusa ngamazwi. Lolulwazi lokuzwisisa okunje kuyantshintsha indlela okhuleka ngayo, okhuluma ngayo lendlela othatha ngayo iznqumo.

Ungethuswa yimilingo kaSathane; kodwa esigabeni salokho, beka isinqumo sokuthi akube njani. Khuluma ngegunya lamandla obunkulunkulu, ngoba uhleli esihlalweni sikaKhristu, usebenza ngamandla Akhe obunkulunkulu. Halleluya!

Umkhuleko

Baba othandekayo, ngiyabonga ngokungivusa loKhristu njalo lokungibeka esihlalweni kanye Laye endaweni yamandla, ukubusa kanye lobukhosi. Ngiphila kuyo lindawo yenkazimulo lomandla, ngibusa phezu kobumnyama, phezu kwezimo kanye lakho konke okuphikisayo. Ngimemezela ukuthula emhlabeni wami namhlanje, ngeGama likaJesu. Ameni.

Qhubeka Ngemibhalo

Abase-Efesu 2:6

AbaseRoma 5:17

AbaseKholose 3:1-2

(Lumlayezo uthathwe ku:
Rhapsody of Realities (Ndebele)
Wabhalwa ngu:
Umfundisi Chris Oyakhilome DSc DD.
Ungalilanda ngokuphelele ngolimi lwakho ku: https://rhapsodylanguages.tniglobal.org/regions/
Eminye imfundiso ungayithola ku: https://bit.ly/Shona_Church)