Wakagadzwa SaMambo

China, 18 Zvita 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

“.... Kudai ngokushanda kwesimba rake guru, raakashanda munaKristu, apo paakamumusa kubva kwevakafa, akamugadzika ngokumuryo kwake mundau dzomudenga, padera pokutonga kweshe noukuru hweshe nesimba reshe noumambo hweshe, nepadera pemazina eshe anodudzwa, haiwa omunyika muno mwega, asi neeiyozve inouya” (VaEfesu 1 ndima 19 kuguma 21).

Mambo Jesu vakagadzwa saMambo. Vakagadzwa mumashure mwokunge vamuswa kubva kwevakafa. Vakabva vapuwa masimba anopinda evatongi veshe. Apana chiro chine masimba anopinda avo. Chiro chakhona chingaa munyika yanyamashi. Nokuti munyika ichazouya. Jesu ndivo vanotonga mudenga. Ndivozve vanotonga munyika. Asi masimba avo aya ndiwo etakapuwawo isusu. Takagara pamwepo navo. Tinotonga pamwepo navo.

Isusu tiri muna Jesu ava. Ndiyo ndaa tine masimba avo aya. Takaenda pamwepo navo kudenga. Tikanogadzwa pamwepo navo. Takagara kurudyi rwaMwari pamwepo navo. Ndizvo taawo machinda aMwari. VaEfesu yechipiri ndima yechitanhatu inoti, “Wakatimusa pamwepo naye, akaita kuti tigare pamwepo naye mundau dzomudenga munaKristu Jesu”.

Ndiyo ndaa taa kuzikanwa ngezina raJesu. Zina iri ndiro retaa kushandisa pakupona kwedu. Tinorishandisa kudaro tichiri munyika muno. Ivo Jesu vari mudenga. Ndivo vakatiemerera ikweyo. Isusu takaemerera Jesu muno Munyika. Tisu tinoita kuti zvinodiwa ndiMwari Baba zviitike munyika muno. Marako yegumi nechitanhatu ndima yegumi nechinomwe kuguma gumi nechisere inoti, “Neiyi mioniso inozoa naavo vanotenda; ngezina rangu vanozodzinga madhimoni; vanozoereketa ngendimi itsva; vanozobata nyoka, kunyazwi vakamwa chinouraya, achitongozovaremadzi; vanozoisa nyara dzavo padera pevanorwara navo vanozotambiswa”.

Mateu yegumi ndima yechisere inotiwo, “Mwechirapa vanorwara, mwechimusa vakafa, mwechimhodyosa vanemapere, mwechidzinga madhimoni; mwakaashira ngenyasha, mwechipawo ngenyasha”. Iwewe waa muna Kristu. Kuronza kuti une masimba ewaa nawo. Shandisa masimba aya. Mashandise kurapa zvirwere. Mashandise kunyisa rufu. Mashandise kunyisa zviro zvomunyika ino. Pona somunhu ane masimba eVamwari. Waa muna Kristu. Vanhu vari muna Kristu ndivo vane masimba eshe.

Zviro zvomunyika muno zvingatsvaka kukushaishidzira. Zvingatsvaka kuti upinimidze kuti Izwi raMwari arishandi. Asi iwewe usaashira izvozvo. Ema saJesu. Utonge zviro zveshe izvi. Kupona kweVamwari ngekwekutonga. Asi tinoshandisa mazwi edu kutonga. Iwewe unosisira kuzwisisa izvi. Manamatiro ako anozotsanduka. Unozoereketa zvounoda. Uchironga zviro ngomwazvo.

Sathani ungaita hake mashiripiti ake. Iwewe usaavhunduka. Zvounoda iwewe ndizvo zvinosisira kuitika. Wakagara pachigaro chaKristu. Simba ravo ndiro rewaa kushandisa pakupona kwako. Ndizvo ereketa seMumwari. Harureuya!

Kumbira Weiti
Baba vendinoda. Ndinomubonga. Mwakandimusa pamwepo naKristu. Mukandipa masimba aKristu, ndizvo ndaa nemasimba eVamwari. Ndaa kurarama seMumwari. Ndechitonga chidima. Ndechitonga zviro zvomunyika muno. Ndechikurira zveshe zvinondirwisa. Ndinopanga kuti munyika muve nokunyarara. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
VaEfeso 2:6; VaRoma 5:17; VaKorose 3:1-2

(Chidzidzo ichi chatorwa kubva mu:
Rhapsody of Realities (Shona)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church)