Tisu Takabatiswa Pfuma YeDenga

Chishanu, 19 Zvita 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

“Ndizvo kuti musikazi kuita vanogondeka ngoupfumi husikazi kururama, ndiani unozomugonda ngoupfumi hwegwinyiso? " (Ruka 16 ndima 11).

Iwewe unosisira kugondeka ngepfuma yenyika ino. Zvisirizvo auzopuwi pfuma yekudenga. Izvi ndizvo zvakaronzwa ndiMambo. Tinozviona mundima yetabeura ndiyo. Ndizvo ngwarira mabatiro ounoita mare. Mwari vakakuringira. Vanenge vari kutoda kuona hunhu hwako. Vechitsvaka kuona mishando yepamweya yevangakupa.

Isusu taa muna Kristu. Tisu tinobatiswa pfuma yaMwari. Pfuma iyi inosisira kushandiswa munyika yaMwari. Ndizvo iwewe ungapuwa zvifumiso. Ungapuwa pfuma yenyika ino. Ungaona mikana. Ungapuwa nyasha. Mwari ndivo vanenge vari kutokubatisa zviro izvi. Unosisira kuzvishandisa munyika yaMwari. Uchizvishandisa kuita mishando yaMwari.

Tine zvipo zvakasiyana siyana. Isusu tinosisira kushandisa zvipo izvi. Tinosisira kuzvishandisa takagondeka. Techiita sevanhu vakabatiswa nyasha dzaMwari. Izvi ndizvo zvetinopangwa ngeBhaibheri. Tinozvierenga mutsamba yokutanga yaPetro chitsauko chechirongomuna ndima yegumi. Mare ngechimweni chezvipo izvi. Mwari vanoda kuti tishandise mare sevanhu vakagondeka. Kuronza kuti tinosisira kunyanya kuishandisa kuita mishando yavo. Techizia kuti tinoipuwa kuti tiishandise pamishando yaMwari. Techigumisa Vhangeri pashi reshe. Tisikangozviunganidziri pfuma iyi.

Ndizvo tinosisira kushandisa mazano aMwari pakupona kwedu. Tinosisira kuronga zviro zvedu ngomwazvo. Techizviita ngomwazvo. Techikarakdza kuti pfuma yetinayo ngeye kubatiswa. Tinosisira kungwarira pfuma iyi. Azvina ndaa kuti ingaa shomanani zvakadini. Pfuma iyi ungaa muhoro. Chingaa chipo chetapuwa. Ingaa mare yetaona pakushanda kwedu. Tinosisira kuiona seinoera. Tinosisira kuishandisa kugumisa Vhangeri kuvanhu. Shandisa pfuma yako kukudza Mwari. Mwari vanozokututsira pfuma iyi. Vechizokupawo pfuma yepamweya.

Kumbira Weiti
Baba vendinoda. Ndinomubonga. Mwakandingwaririsa pfuma yenyika yenyu. Ndinoshandisa mazano enyu kungwarira zveshe zvomunondipa. Ndinogondeka kuzvingwarira. Ndinoshandisa pfuma yangu kuita mishando yenyu. Andina yendinoti ishomanani. Andina yendinoti yakawandisa. Ndinoikoshesa yeshe. Mwari vanondishandisa kugumisa zvifumiso kuvanhu. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
1 VaKorinte 4:1-2; 2 VaKorinte 9:6-10; Zvirevo 3:9-10

(Chidzidzo ichi chatorwa kubva mu:
Rhapsody of Realities (Shona)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church)