Abaphathi Bomnotho Wombuso

Usuku 19 Zibandlela 2025

*Sifuna umyalezo lo ufike kubantu abayizigidigidi eziyisikhombisa emhlabeni wonke. Umnikelo wakho ungasisiza sifike kubo. Ungawuthumela usebenzisa iKingsPay Mobile App (Ikhodi: TNIOG), kumbe nge-Ecocash (Zimbabwe) kusetshenziswa i-shortcode: *151*2*6*58225# UNkulunkulu akubusise!*


“Ngakhoke uba lingathembekanga enothweni engalunganga, ngubani ozakuliphathisa inotho eqotho na?” (Luka 16:11).

Emazwini eNkosi evesini esivule ngayo, uma ungathembekanga enothweni yakumhlaba, angeke uphathiswe inotho yasezulwini. Lokho kutsho ukuthi isimo sengqondo olaso ngezezimali singumhloliso. UNkulunkulu uyakhangela ukuthi uphatha njani inotho yakho abesethatha isinqumo sokuba yisisindo bani somthwalo wemfanelo zokomoya angasibeka ezandleni zakho.

KuKhristu, singabaphathi, abagcini bemfanelo zokomoya ezibekwe ezandleni zethu ukuthi zisebenze umsebenzi woMbuso. Zonke izibusiso, konke ukwanda, lonke ithuba, sonke isipho kanye lomusa owuphiwayo kuyikukwethemba. Kukhangelelwe ukuba uyiphathe ngenhloso langenjongo yoMbuso.

IBhayibhili lithi kasisebenzise iziphiwo zethu, ngokuhluka kwazo, ukukhonza njengabaphathi abathembekileyo bomusa kaNkulunkulu. Lokhu kugoqela ezezimali. UNkulunkulu ufuna sibe ngabaphathi abahle bezezimali. Ukuba ngumphathi wezezimali lapha kutsho ukuqondisa inotho yakho kunhloso Yakhe. Kumayelana lokunanzelela ukuba isizatho sokuzuza kwakho kungokokuqhelisa uMbuso, ukufuqa kanye lokutshumayela ivangeli kumhlaba wonke, hatshi ukuthi uyibuthelele inotho.

Ukuba ngumphathi kudinga ube lenhlakanipho, ukuhlela, ubucwephetshe kanye lokuzihlola. Kudinga ukuhleleka kulokho okuncane kumbe okukhulu okutholileyo. Kungabe kungumholo, isipho kumbe inzuzo kwezebhimusi, konke kuthathe ngokuthembeka okungcwele. Kusebenzise ukusabalalisa ivangeli. Mhloniphe uNkulunkulu ngezezimali zakho. Uma ungabonakalisa ukuba ngumphathi othembekileyo, iNkosi iyandisa ikhono lakho aphinde afake okunengi ezandleni zakho, okomoya kanye lasezintweni ezibambekayo.

Umkhuleko

Baba othandekayo, ngiyabonga ngokungenza umphathi womnotho woMbuso. Ngiphatha konke onginika khona ngenhlakanipho langokuthembeka. Ngiqondisa umnotho onginike wona kuntando yakho, njalo ngithembekile kokuncane kanye lakokukhulu. Ngimemezela ukuba ngiyindlela yezibusiso kumhlaba wami, ngeGama likaJesus Ameni.

Qhubeka Ngemibhalo

1 AbaseKhorinte 4:2 you’re

2 AbaseKhorinte 9:6-10

Izaga 3:9-10

(Lumlayezo uthathwe ku:
Rhapsody of Realities (Ndebele)
Wabhalwa ngu:
Umfundisi Chris Oyakhilome DSc DD.
Ungalilanda ngokuphelele ngolimi lwakho ku: https://rhapsodylanguages.tniglobal.org/regions/
Eminye imfundiso ungayithola ku: https://bit.ly/Shona_Church)