Vanoshandisa Isusu Kuponesa Nyika

Mugovera, 20 Zvita 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

“Umambo hwake unozoramba wechikura” (Isaya 9 ndima 7).

Kristu Jesu vane Chiara cheVakacheneswa vavo. Chiara ichi achisiri chiara chevanamati zvega. Mwari vanochishandisa somudziyo. Ndiwo mudziwo wevanoshandisa kuita mishando yavo mudzinyika. Muchiara umwu ndimwo munowanikwa gwinyiso reshe. Ndimwozve mwerinogwinyiswa. Izvi ndizvo zvetinoziiswa mutsamba yaPhauri yokutanga kuna Thimothi chitsauko chechitatu ndima yegumi nechishanu.

Mwari vakada kuita chimweni chiro munyika. Vanoshandisa Chiara chavo kuchiita. Chiara ichi ndiwo muiri wavo. Izvi ndizvo zvetinoziiswa muna vaEfesu yokutanga ndima yemakumi mairi nemairi kuguma makumi mairi nechitatu. Hino iwewe uri nhengo yechiara ichi. Izvi ndizvo zvetinoziiswa mutsamba yokutanga kuvaKhorinte chitsauko chegumi nemairi ndima yemakumi mairi nechinomwe. Kuronza kuti uri nhengo yechiro chakakura. Chiro ichi chinobata pashi reshe. Uyezve chine simba. Simba raMwari rinoonekwa pachiri. Uyezve chinotonga.

Jesu vakagondesa kuaka Chiara cheVakacheneswa vavo. Zvechizoita kuti masuwo erindi remuriro asakona kuchinyisa. Apa vaiya vari kuronza ngezvesimba rechiara ichi. Chiara ichi chinonyisa rindi remuriro. Chinonyisa Sathani. Chinonyisa masimba eshe echidima. Zviro zveshe zvakatsikwa ngechiara ichi. Apana kana chimweni chingamirudza soro. Izvi ndizvo zvetinoona muna VaEfesu yokutanga ndima yemakumi mairi nemairi kuguma makumi mairi nechitatu. Inoti, “Uwo wakaisa zveshe pashi petsoka dzake nokumuita soro padera pezveshe ngendaa yechiara, icho chiri muiri wake, kudzara kwouwo unodzarisa zveshe mune zveshe”. Izvi zvinoshamisa yaamho.

Ndiyo ndaa pasikasisiri kua nomunhu asina simba muChiara ichi. Izwi raMwari rinoonekwa petiri. Pfuma yavo inoonekwa petiri. Simba ravo rinoonekwa petiri. Nyasha dzavo dzinoonekwa petiri. Nyembe dzavo dzinoonekwa petiri. Ivo vanoonekwa petiri. Mwari ngavapuwe mbiri yeshe. Isusu tisu tinobeura. Tisu tinokonya. Tinohamba takatwara Mwari. Techivaemerera. Mwari vanoshandisa Chiara cheVakacheneswa vavo. Vanochishandisa kuunza kururama kwavo munyika. Vanochishandisa kuonesa ngirosi mazano avo. Vechiaonesawo kumasimba echidima. Izvi ndizvo zvetinoona muna vaEfesu yechitatu ndima yegumi. Inoti, “Kuti kubudikidza ngechiara uhwo ungwaru hwaMwari muzviemo zvakaparadzana zvino huziikanwe kuvatongi nevane simba mundau dzomudenga”.

Wana chounoitawo muchiara cheVakacheneswa ichi. Ita zvinoita kuti chiara ichi chikure. Chigwinye. Chibate vanhu vakawanda. VaEfesu yechirongomuna ndima yegumi nechitanhatu inoti, “Kubva mwaari muiri weshe, unorimbanidzwa nokubatanidzwa pamwepo ngenhengo dzeshe dzinogwinyisa, nhengo yeshe inoshanda ngechipimo chayo, kudai ngomushando wakanaka wenhengo imwe ngaimwe, unoita kuti muiri ukure kuti udziake murudo”. Tsamwirira kuunza vanhu kuna Mwari. Mwari vanoda kukushandisa. Vanoda kukushandisa kunasirisa nyika ino. Ndizvo unza veshe vounoshongana navo kuna Kristu.

Kumbira Weiti
Baba vendinoda. Ndinomubonga. Mwakandiisa mumuiri waKristu. Mwakandiisamwo kuti ndive nechendinoita kunasirisa nyika ino. Ndinoita mushando wangu. Ndechidetsera kugumisa Vhangeri kuvanhu. Ndechiita kuti kururama kwenyu kudzadze nyika. Ndechishandisa simba renyu kutsandura nyika. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Mateo 16:18-19; VaEfeso 1:17-22; VaKorose 2:9-10

(Chidzidzo ichi chatorwa kubva mu:
Rhapsody of Realities (Shona)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church)