Singamanxusa Akhe Omthelela Womhlaba

Usuku 20 Zibandlela 2025

*Sifuna umyalezo lo ufike kubantu abayizigidigidi eziyisikhombisa emhlabeni wonke. Umnikelo wakho ungasisiza sifike kubo. Ungawuthumela usebenzisa iKingsPay Mobile App (Ikhodi: TNIOG), kumbe nge-Ecocash (Zimbabwe) kusetshenziswa i-shortcode: *151*2*6*58225# UNkulunkulu akubusise!*


“Ukwanda kombuso wakhe lokuthula akuyikuba lomkhawulo. (U-Isaya 9: 7 BEN)

IBandla likaJesu Khristu akuyona inhlanganiso kumbe inhlangano nje yamakholwa. Kodwa kungabenzeli bakaNkulunkulu abenza intando lenhloso yakhe yenziwe emazweni wonke. IBandla liyinsika lesisekelo seqiniso (1 Uthimothi 3:15).

Yonke into uNkulunkulu afuna ukuyenza elizweni, uyisungula esebenzisa iBandla, lona elingumzimba wakhe (abase-Efesu 1:22-23) njalo lawe ulingula lalumzimba: “Lina lingumzimba kaKhristu njalo omunye lomunye wenu uyingxenye yawo.” (1 AbaseKhorinte 12:27 ). Lokhu kutsho ukuthi uyingxenye yento eyengamele umhlaba wonke njalo ungeyobunkulunlu, into elamandla, egcwele inkazimulo kanye lokubusa.

Lapho uJesu wayethi ngizakulakha iBandla lami, njalo amasango egehena awayikumelana lalo, lapha wayegcizelela ukubusa lobukhulu beBandla phezu kwegehena, phezu kukaSathane kanye lamandla obumnyama. UNkulunkulu wabeka zonke izinto ngaphansi kwenyawo zeBandla: “UNkulunkulu wabeka izinto zonke ngaphansi kwezinyawo zakhe wamkhetha ukuba abe yinhloko yezinto zonke zebandla, lona elingumzimba wakhe, ukuphelela kwakhe yena ophelelisa izinto zonke ngezindlela zonke.” (Abase-Efesu 1:22-23 ). Yeka ubuhle obungaka!

Uyabona-ke ukuthi kungani eBandleni kungamelanga kube lomuntu obuthakathaka kumbe ophila impilo elokwehlulwa na? Thina siyizibonakaliso zokuthi ngempela Yena uyiqiniso, siyikuphelela Kwakhe, zomusa Wakhe, uMbuso, amandla kanye lobunguye Bakhe. Udumo malube kuNkulunkulu! Yithi esiphethe amakhiye. Siphethe ubukhona bobunkulunkulu Bakhe kanye lamandla. NgeBandla, uNkulunkulu uphoqelela ukulunga emhlabeni njalo embule ukuhlakanipha Kwakhe okumangalisayo kuzingelosi kanye lemibuso: “Injongo yakhe yayiyikuthi ibandla lazise ababusi leziphathamandla zemibuso yasezulwini ngenhlakanipho emangalisayo kaNkulunkulu,” (Abase-Efesu 3:10).

Thatha indawo yakho eBandleni; ibalesandla ukukhuleni kwakho, ekuqineni kanye lasekukhuleni kwalo. Abese-Efesu 4:16(NIV) ithi, “Kusukela kuye umzimba wonke ohlanganiswe wabanjaniswa yimisipha yonke ewusekelayo uyakhula uzakhe ngothando, isitho sinye ngasinye sisenza umsebenzi waso.” Phatheka kakhulu ekugoleni imiphefumulo. Iba lemicabango yokudala umehluko; iba lokutshiseka ngoKhristu emhlabeni wakho, ngoba Yena ufuna ukutshintsha umhlaba ngawe.

Umkhuleko

Baba othandekayo, ngiyabonga ngokungibeka emzimbeni kaKhristu ukuba ngibe yingxenye yecebo lokudaka umehluko emhlabeni wonke jikelele. Ngithatha indawo yami, ngisebenza okulemiphumela njalo ngifaka isandla ekukhuliseni umsebenzi wakho emhlabeni, ngiphiqelela ukuba ukulunga kwakho kwenzeke emhlabeni njalo ngitshintsha umhlaba ngenkazimulo langobukhona Bakho, ngeGama likaJesu. Ameni.

Qhubeka Ngemibhalo

UMathewo 16:18-19

Abase-Efesu 1:22-23

Abase-Kholose 1:18

(Lumlayezo uthathwe ku:
Rhapsody of Realities (Ndebele)
Wabhalwa ngu:
Umfundisi Chris Oyakhilome DSc DD.
Ungalilanda ngokuphelele ngolimi lwakho ku: https://rhapsodylanguages.tniglobal.org/regions/
Eminye imfundiso ungayithola ku: https://bit.ly/Shona_Church)