Mambo Jesu Vakaronza Vega Kuti Ivo NdiMwari

Chishanu, 26 Zvita 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

“Ndizvo vaJudha vakamuunganira, vakati kwaari, “Unotiita gariremwo metsa riini? Kuti uri Kristu, tironzere pamhene”. Jesu wakavapingura echiti, “Ndakakumuronzera, nemwi amutendi. …” (Johani 10 ndima 24 kuguma 25).

Jesu ndivo Kristu. Ndivo vakapuwa zina raMwari. Ndivo Mukororo waMwari. Asi pane vasikadi kutizwa techironza izvi. Vanoti Jesu vakhona avazi kumboereketa kudaro. Vanhu vanoronza kudaro avazi kumboerenga Bhaibheri ngomwazvo. Erengazve ndima yetabeura ndiyo. Apa vaJudha vakauya kuna Jesu. Vakabva vavabvunza. Vakati, “Unotiita gariremwo metsa riini? Kuti uri Kristu, tironzere pamhene”

Mambo vakabva vavapingura. Vakavapingura zvakajeka zvemene. Ivo vakati, “Ndakamuronzera, nemwi amutendi”. Vakabva vatutsira vechiti, “Mishando yendinoita ngezina raBaba angu, inopupura ndini”. Kuronza kuti Jesu vaisangopupurirwa ngemazwi avo zvega. Vaipupurirwawo ngemishando yavo. Yaivapupurira kuti ivo ndivo vaiya vari Kristu wakhona. Iyeye aiya akapuwa zina raMwari.

Mambo vaiya vari Mwari pachezvavo. Ivo vakaronza izvi pachena. Avazi kuita zvokupota pota. Vakatodzokorora izvi pandima dzinoteera dzakhona. Ndima yemakumi mairi nechitanhatu kuguma makumi matatu inoti, “… Makwai angu anozwa izwi rangu. … Ndinoapa kupona kusikaperi. … Inini naBaba tiriumwe”. Izvi zvinoshamisa yaamho. Mwari vega ndivo vanoronza vechidaro. Mwari vega ndivo vanopa kupona kusikaperi. Hino Jesu ndivo Mwari. Ndivozve kupona kusikaperi. Ndiyo ndaa vechikona kupa vanhu kupona kusikaperi. Izvi ndizvo zvetinoziiswa mutsamba yokutanga yaJohani chitsauko chechishanu ndima yemakumi mairi. Inoti, “Nesu tinozia kuti Mukororo waMwari wakauya, akatipa kuzwisisa kuti tizie uwo unegwinyiso; nesu tiri mukati mwouwo uri gwinyiso, mukati mwoMukororo wake Jesu Kristu. Uyu ndiye Mwari wegwinyiso nokupona kusikaperi”. Hareruya!

Mambo Jesu vakazoti, “Inini naBaba tiriumwe”. Mazwi aya anoshamisa yaamho. VaJudha vaizwisisa mazwi akadaro. Ndiyo ndaa vakatora mapuwe. Vakabva vatsvaka kuuraya Jesu. Ivo vaiya vari kuti, “Iwewe uri munhu sevamweni veshe veshe. Ngeyi uri kuzviedzanisa naMwari?” Iyi yaia ndaa yokuti vaiya vasikazii Jesu ava. Ivo vaiya vavaziisa kuti ndivo vaiya vari Kristu wakhona. Vakavaziisa kuti vaikona kupa vanhu kupona kusikaperi. Vakavaziisazve kuti vaiya vari Mukororo waMwari. Kuronza kuti ivo vaiya vechitoa Mwari pachezvavo. NdiMwari vaiya vauya vari munhu wenyama. Izvi ndizvo zvinoronza kuti Mukororo waMwari.

Jesu vakaronzazve muna Johani yechishanu ndima yemakumi mairi nechitanhatu. Vakati, “Ngokuti kudai ndiBaba unokupona mukati mwake, ndizvo wakapawo Mukororo kuti aanokupona mukati mwake”. Kuronza kuti Mambo Jesu vane kupona kusikaperi. Ndiyo ndaa vechikona kukupa kuvanhu. Vanopuwa vakhona ngevaya vanenge vavaashira. Ivo ndiMwari pachezvavo. Ndizvo iwewe ungachumaira Jesu. Ungaereketa ngepadera pavo. Ungavaashira. Zwisisa kuti ivo avasiri munhu wenyika ino. Ivo ndiMwari vakuru. Ndivo Kristu wedu. Ndivo Mwari pachezvavo. Izvi ndizvo zvetinoziiswa ndiThithusi yechipiri ndima yegumi nechitatu.

Kumbira Weiti
Baba vendinoda. Ndinomubonga. Mwaita kuti ndizwisise kuti Kristu Jesu ndiMwari. NdiMwari vakauya vari munhu wenyama. Ivo Izwi raMwari. Izwi raMwari rakauya ari munhu wenyama. Inini ndinovaashira. Ndechichumaira kuti ivo ndivo Kristu wakhona. Ndivo vakapuwa zina raMwari. Ndivo Mwari. Ndivo kupona kusikaperi. Ndaa kuzikanwa ngezina ravo. Simba ravo ndiro rendaa kushandisa pakupona kwangu. Ndinoshandisa simba ravo kutonga. Ndechiziisa vanhu pashi reshe kuti Jesu ndivo vari kutonga. Uyezve kuti ndivo Mwari. Vanhu vanoona Izwi raJesu mwendiri. Vanoona simba ravo mwendiri. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Johane 10:30-38; Johane 14:9-10; VaKorose 2:9

(Chidzidzo ichi chatorwa kubva mu:
Rhapsody of Realities (Shona)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church)