UJesu Waqinisekisa Ubunkulunkulu Bakhe

Usuku 26 Zibandlela 2025

*Sifuna umyalezo lo ufike kubantu abayizigidigidi eziyisikhombisa emhlabeni wonke. Umnikelo wakho ungasisiza sifike kubo. Ungawuthumela usebenzisa iKingsPay Mobile App (Ikhodi: TNIOG), kumbe nge-Ecocash (Zimbabwe) kusetshenziswa i-shortcode: *151*2*6*58225# UNkulunkulu akubusise!*


“Ngakho-ke amaJuda amzingele amzungeza, athi kuye: Koze kube nini usenza ukuthi siphazamiseke na? Nxa unguKristu, sitshele sobala. UJesu waphendula wathi kubo: Sengilitshelile, kodwa alikholwanga; imisebenzi engiyenzayo ngebizo likaBaba, yona iyangifakazela.”
(Johane 10:24-25)

Kukhona abanye abathi kithi amaKhristu, “Loba uJesu ngokwakhe kazange athi unguKristu kumbe iNdodana kaNkulunkulu; pho lingathi yini lina izinto azenzakalanga?” Kodwa noma ngubani ocatsha ngaleyondlela kazange afunde iBhayibhili kuhle. Khangela umbhalo ongaphezulu: amaJuda amfikela athi kuye, “Koze kube nini usenza siphazamiseke; nxa unguKristu sitshele sobala.”

Impendulo kaJesu yayicacile njalo ilula. Wathi kubo: “Sengilitshelile kodwa alikholwanga. Imisebenzi engiyenzayo ngebizo likaBaba iyangifakazela.” Ngezinye indlela ngaphandle kokuthi abatshele ukuthi unguKristu, izimangaliso le imisebenzi ayeyenza egameni likaBaba kwakuyibufakazi bokuthi unguKristu, obabukhomba ukuthi ungubani.

Inkosi kayizange ikhulume ngokudideka ukubonisa ubunkulunkulu bayo. Wacacisa ukuthi unguKristu. Waqhubeka ekugcizelela ngezindimana 26-30 lapho athi, “…Izimvu zami ziyalizwa izwi lami… Mina ngibanika ukuphila okuphakade… Mina loBaba siyinto eyodwa.” Kuyamangalisa lokhu! Kufanele ube nguNkulunkulu ukuze ukhulume kanje. Kuphela uNkulunkulu ongapha ukuphila okulaphakade, kanti uJesu unguNkulunkulu weqiniso kanye lokuphila okuphakade; yikho-ke engapha:

“Siyakwazi ukuthi iNdodana kaNkulunkulu isifikile, isinike ukuqonda ukuze simazi oliqiniso; siphakathi kwakhe oliqiniso, eNdodaneni yakhe uJesu Khristu. Lo nguye uNkulunkulu weqiniso lokuphila okuphakade.”
(1 Johane 5:20)

Wathi njalo: “Mina loBaba siyinto eyodwa.” Ngumutsho omkhulu lowo! AmaJuda ayekwazi ukuthi lokho kwakusenza uJesu azilinganisela loNkulunkulu, ngakho athatha amatshe efuna ukumbulala. Kodwa lokhu kwakungoba bengamazanga ukuthi ungubani. Wazichaza ecacisa: ukuthi unguKristu, ukuthi unika abantu ukuphila okuphakade, ukuthi uyiNdodana kaNkulunkulu — okutsho ukuthi uNkulunkulu ezimweni zomuntu. Wazisho ngokwakhe lezizinto.

KuJohane 5:26 uthi: “Njengoba uBaba elokuphila kuye, unike loyiNdodana ukuba ibe lokuphila kuyo.” Ngalokho sesiyaqonda ukuthi kungani enikeza abakholwayo ukuphila okuphakade. Ulamandla; ulokuphila njengoba uBaba elokuphila. UnguNkulunkulu ofanayo njalo ulingana loNkulunkulu. Nxa ushumayela ngoJesu, ukhulumela ngaye, uyakholwa kuye — kawusenzi ngomuntu ojayelekileyo. KuTithu 2:13 ubizwa ngokuthi “nguNkulunkulu omkhulu loMsindisi wethu uJesu Khristu.” Yena uqobo unguNkulunkulu. Haleluya!

Umthandazo

Baba othandekayo, ngiyabonga ngokungitshela ngoJesu Kristu njengaye uNkulunkulu ovela ebantwini, iZwi elaba yinyama. Ngiyakholwa njalo ngiyamemezela ukuthi unguKristu, uNkulunkulu weqiniso lokuphila okuphakade. Ngihamba ngesibindi kanye lamandla obuntu bakhe, amandla, igama kanye lobukhosi bakhe, ngimemezela ubukhosi bakhe lokubusa kwakhe kuze kube semikhawulweni yomhlaba. Ngami, iqiniso lakhe liyaphumelela njalo inkazimulo yakhe iyavezwa, ngebizo likaJesu. Ameni.

Qhubeka Ngembalo

Johane 10:30-33
Johane 14:9-10
Kolose 2:9

(Lumlayezo uthathwe ku:
Rhapsody of Realities (Ndebele)
Wabhalwa ngu:
Umfundisi Chris Oyakhilome DSc DD.
Ungalilanda ngokuphelele ngolimi lwakho ku: https://rhapsodylanguages.tniglobal.org/regions/
Eminye imfundiso ungayithola ku: https://bit.ly/Shona_Church)