Ubucwephetshe-Buyindlela Yethu Yokwenza Embusweni

Usuku 17 Zibandlela 2025

*Sifuna umyalezo lo ufike kubantu abayizigidigidi eziyisikhombisa emhlabeni wonke. Umnikelo wakho ungasisiza sifike kubo. Ungawuthumela usebenzisa iKingsPay Mobile App (Ikhodi: TNIOG), kumbe nge-Ecocash (Zimbabwe) kusetshenziswa i-shortcode: *151*2*6*58225# UNkulunkulu akubusise!*


“UDaniyeli lowo wabedlula bonke abongameli lezikhulu zonke, ngoba wayelomoya omuhle. Inkosi yazimisela ukumbeka phezu kwawo wonke umbuso.” (UDaniyeli 6:3 )

Embusweni kaNkulunkulu, ubucwephetshe buyibuntu bethu. Kasizami ukucwephetsha, kodwa senza izinto ngobucwephetshe. Ubucwephetshe buyimvelo kaNkulunkulu, kanti futhi ngenxa yokuthi siyinzalo Yakhe, lathi sibonakalisa ubucwepheshe obufanayo kukho konke esikwenzayo. Ukwenza izinto ngobucwephetshe kuyakwehlukanisa, kukubeka endaweni ephezu kobumpumputhe kuphinde kukunike lekhono ongeke ulithole ngemfundo yesikolo.

Ukuphakanyiswa kukaDanyeli ebekwa phezu kwawo wonke umbuso akuzange kube kungenxa yobugabazi bakhe, kumbe kube ngenxa yezombusazwe kumbe ukwaziwa; kodwa kwenzeka ngenxa yomoya omuhle ayelawo: “Khona-ke lo Daniyeli wakhethwa ngaphezu kwabongameli nezikhulu, ngoba umoya omuhle kakhulu wawukuye; inkosi yacabanga ukummisa phezu kombuso wonke.” (UDaniyeli 6:3). Lumoya owawukuDanyeli yiwo osukuwe ngoba uMoya oNgcwele usehlala kuwe.

Ukuthi kuze kuthiwe umuntu ulobucwepheshe kuya ngobuntu alabo, lokungaguquguquki alakho lokwehluka kundlela ayenza ngayo izinto, kanye lesimo sengqondo. UNkulunkulu akazange akubize ukuba uzoba ngumuntukazana; kodwa wakugcoba ukuba ukhanye, ubonakalise inkazimulo Yakhe: “Kodwa lina liluhlanga olukhethiweyo, ubupristi bobukhosi, isizwe esingcwele, abantu abamisiweyo babe ngabakaNkulunkulu, ukuze litshumayele izenzo ezimangalisayo zalowo owalikhupha emnyameni, walisa ekukhanyeni kwakhe okumangalisayo.” (1 Pet 2:9).

2 UPhethro 1:3 uthi, ““Amandla akhe obuNkulunkulu asesinike konke esikudingayo ekuphileni kanye lokumesaba uNkulunkulu ngokumazi kwethu yena owasibiza ngenkazimulo yakhe langokulunga.” Wabizwa ukuba uze ebukhosini lakunkazimulo; okuchaza ubuhle obumangalisayo. Ngakho-ke, noma ngabe kusemsebenzini wenkosi, kumbe ebhizinisini lakho, ezifundweni zakho kumbe nje ekuphileni kwakho nsukuzonke, bonakalisa ubuhle obumangalisayo. Ubucwepheshe lobu kabubonakale kunjongo yakho, enkulumeni, indlela ogqoka ngayo kanye lakundlela owenza ngayo umsebenzi wakho kanye lasekubambeni isikhathi.

Bonakalisa ukuqonda, ukukhuthala kanye lomehluko nje. Ungabulokhu ufaka izizatho zobuwula. Iba lobuhle obudlilisileyo. Yenza ubungcono bakho bonke, hatshi ngoba abantu bakukhangele, kodwa ngoba ungummeli woMbuso. Uyikulunga kukaNkulunkulu kuKhristu uJesu njalo ubucwephetshe buyingxenye yokulunga. Wonke umsebenzi owuphiweyo ulithuba lokubonakalisa ubuhle obumangalisayo bobunkulunkulu. Ngakho-ke, iba lobunono obukhulu, khuthala, uthembeke njalo wenze izinto ngezinga eliphezulu.

Umkhuleko

Baba othandekayo, ngiyawubonga umoya omuhle kakhulu osebenza kimi ngoMoya oNgcwele. Ngiphila ngokuqonda, ngikhuthele njalo ngahlukile. Ngimele uMbuso wakho ngendlela eqondileyo njalo elenkazimulo. Impilo yami lemisebenzi yami ibonakalisa ubuhle bakho obumangalisayo. Ngiyenqaba ukwemukela izinga eliphansi ngoba Mkhulu okimi kukalowo osezweni. Ameni

Qhubeka Ngemibhalo

Izaga 22:29

AbaseFiliphi 1:9-10

AbaseKholose 3:23-24

(Lumlayezo uthathwe ku:
Rhapsody of Realities (Ndebele)
Wabhalwa ngu:
Umfundisi Chris Oyakhilome DSc DD.
Ungalilanda ngokuphelele ngolimi lwakho ku: https://rhapsodylanguages.tniglobal.org/regions/
Eminye imfundiso ungayithola ku: https://bit.ly/Shona_Church)