Isibindi NgoMoya

Usuku 13 Zibandlela 2025

*Sifuna umyalezo lo ufike kubantu abayizigidigidi eziyisikhombisa emhlabeni wonke. Umnikelo wakho ungasisiza sifike kubo. Ungawuthumela usebenzisa iKingsPay Mobile App (Ikhodi: TNIOG), kumbe nge-Ecocash (Zimbabwe) kusetshenziswa i-shortcode: *151*2*6*58225# UNkulunkulu akubusise!*


"Kwathi sebekhulekile kwazanyazanyiswa indawo ababebuthene kuyo, basebegcwaliswa bonke ngoMoya oNgcwele, basebekhuluma ilizwi likaNkulunulu ngesibindi" (Imisebenzi 4:31).

Ebandleni elakuqala, isibindi somoya sasiluphawu lwalabo ababegcwaliswe ngumoya oNgcwele. Loba behlangene lokuhlukunyezwa okunjani, babengesabi loba ukubuyela emuva bethule: Babetshumayela iVangeli ngesibindi. Kwathi uPetro loJohane bebotshiwe basatshiswa ngokuthi bengakhulumi eBizweni likaJesu (Imisebenzi 4:3), abazange besaba kodwa baqhubekela phambili bekhuluma ngesibindi eBizweni lenkosi.

Ungabala usiya phambili kuvesi 8, iyasitshela ukuthi uPetro, egcwaliswe nguMoya, waqalisa ukutshela abantu iVangeli, ukuhlanganisela abafundisi labakhulu betempeli lababusi babantu. Wakhuluba iLizwi ngesibindi, elibeka sobala, njali lamandla, loba wayehlangana lokuhlukunyezwa.

UMoya lo uhlala kuwe njalo ukwenze ukuthi ube lesibindi njalo ube ngumsebenzi weVangeli: "Kungesikuthi siyenelisa thina ngokwethu ukucabanga ulutho njengoluvela kithi, kodwa ukwenelisa kwethi kuvela kuNkulunkulu; owasenza futhi senelisa ukuba yizikhonzi zesivumelwanoesitsha, esingeyisiso sokulotshiweyo kodwa esikaMoya; ngoba okulotshiweyo kuyabulala, kodwa uMoya uyaphilisa" (2 AbaseKolinte 3:5-6).

Isibindi lesi ngamandla kaMoya. Sivela ekujuleni kwobudlelwano loNkulunkulu njalo lenhliziyo eguquzelwa liqiniso lakhe. Uma ugcwele ngeLizwi njalo ugcwele ngoMoya, awesabi njalo awudinwa ukukhuluma lomuntu ngokukaJesu. Ngesinye sesizatho kumele ukhuleke ngamandla ngendimi esikhathini esinengi. Kuyakwakha njalo kuyakuqinisa: "Okhuluma ngendimi uyazakha yena..." (1 AbaseKolinte 14:4).

Njengabapostoli, yenza umkhuleko ube yimpilo yakho. Khumbula okwayenzakala beze bekhuleke kuImisebenzi 4:31; Amandla akhitshwa njalo isibindi savuselelwa: "Kwathi sebekhulekile kwazanyazanyiswa indawo ababebuthene kuyo, basebegcwaliswa bonke ngoMoya oNgcwele, basebekhuluma ililzwi likaNkulunkulu ngesibindi" (Imisebenzi 4:31). Haleluya! Ngakho, Hamba phandle njalo ukhulumele phezulu; uMoya oNgcwele ngowakho ukuthi uwusebenzise. Ulesibindi eMoyeni!

Umkhuleko

Baba othandekayo, ngiyakubonga ngokungigcwalisa ngoMoya wakho. Ngikhuluma iLizwi lakho namuhla ngesibindi, ngamandla, njalo langothando. Angesabi, anginyikinyeswa, njalo ngithela izithelo emathubeni wonke engiwatholayo ukuthi ngiayabelane iVangeli labanye njalo lokuletha abanengi eMbusweni, eBizweni likaJesu. Ameni.



Qhubeka Ngembalo

Izaga 28:1

2 UTimothi 1:7-8

Abase-Efesu 6:19-20

(Lumlayezo uthathwe ku:
Rhapsody of Realities (Ndebele)
Wabhalwa ngu:
Umfundisi Chris Oyakhilome DSc DD.
Ungalilanda ngokuphelele ngolimi lwakho ku: https://rhapsodylanguages.tniglobal.org/regions/
Eminye imfundiso ungayithola ku: https://bit.ly/Shona_Church)