Mweya Wakachena Vanokushingisa

Mugovera, 13 Zvita 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

“Naapo vaiya vakumbira, ndau yakazungunyiswa apo pevaiya vakaungana; navo veshe vakadzadzwa ndiMweya Wakachena, vakaereketa Izwi raMwari ngokushinga” (Zvakaitwa 4 ndima 31).

Munhu ungaa akadzara Mweya Wakachena. Munhu uyu unozoa akashinga. Izvi ndizvo zvetinoona muchiara cheVakacheneswa vokutanga. Vakacheneswa ava vaitambudzwa havo. Asi vaiya vasikatyi. Vaiya vasikapetuki sure. Vaiya vasikatendi kunyaradzwa. Ivo vaichumaira Vhangeri. Vairichumaira vakashinga. Petro wakambosungwa. Wakasungwa pamwepo naJohani. Vairi ava vakavhundusirwa. Vechizwi vasaramba vechiziisa vanhu ngezve zina raJesu. Asi ivo avazi kuvhunduka. Vakaramba vechichumaira zina iri. Tinoona izvi muna Zvakaitwa yechirongomuna ndima yechitatu.

Petro uyu waiya akagarwa ngeMweya Wakachena. Ndizvo wakatanga kuchumaira Vhangeri. Izvi ndizvo zvetinoona mundima yechisere yakhona. Wakaparidzira vapristi zuwa iri. Pamwepo nevakuru vemhatso yaMwari. NevaSadhusi. Petro wakaronza Shoko akashinga. Echirijekesa. Echionesa kurizwisisa. Aazi kuita shungu nokutambudzwa kwaaiya ari kuitwa.

Mweya umwewo uwowo waa kugara mwouri. Vakakuita munhu akashinga. Vakakuita nyanzvi yokuchumaira Vhangeri. Izvi ndizvo zvetinoona mutsamba yechipiri kuvaKhorinte chitsauko chechitatu ndima yechishanu kuguma yechitanhatu. Inoti, “Haiwa kuti isusu pachedu tagutswa, kuti tironze chiro kuti chinobva kwetiri, asi kugutswa kwedu kunobva kunaMwari, uwo wakatiita vanokona kuita vashandiri vechitenderano chitsva, haiwa chetsamba yakanyorwa, asi choMweya; ngokuti zvakanyorwa zvinouraya, asi Mweya unopa kupona”.

Kushinga uku rinotova simba. Isimba rinoiswa mumweya mwako. Unoriwana pounenge uri kuaraidzana naMwari. Uchigara wakadzara Izwi raMwari. Uchigara wakagarwa ngeMweya Wakachena. Mwoyo wako uchigara wakazvipira kuIzwi ravo. Auna chounozotya pakadaro. Auna waunozozeza kuziisa zvaJesu. Ndiyo ndaa uchisisira kugara uchikumbira ngendimi. Unosisira kukumbira kudaro ngeshungu. Mweya wako unozogwinyiswa. Izvi ndizvo zvetinoziiswa mutsamba yokutanga kuna vaKhorinte chitsauko chegumi nechirongomuna ndima yechirongomuna. Inoti, “Uwo unoereketa ngendimi unodziaka. …”.

Ita zvaiita vadzidzi vaJesu. Vaisangoita zviro. Vaitanga vakumbira. Tinoona izvi muna Zvakaitwa yechirongomuna ndima yemakumi matatu naimwe. Apa vadzidzi ava vakakumbira. Simba rikabva ratanga kushanda. Ivo vakabva vashingiswa. Ndima yakhona inoti, “Naapo vaiya vakumbira, ndau yakazungunyiswa apo pevaiya vakaungana; navo veshe vakadzadzwa ndiMweya Wakachena, vakaereketa Izwi raMwari ngokushinga”. Hareruya! Ndizvo miruka. Uerekete wakashinga. Mweya Wakachena ndivo vanokudetsera. Mweya wako wakashinga!

Kumbira Weiti
Baba vendinoda. Ndinomubonga. Mwakandidzadza ngeMweya wenyu. Ndinoronza Izwi renyu. Ndinorironza ndakashinga. Ndechionesa kudakarira vanhu. Apana chendinotya. Apana chingandizungunisa. Ndikachumairira vanhu Vhangeri, vanotoponeswa pendinochumaira kudaro. Ndinounza vakawanda munyika yaMwari. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
Mabasa Avapostora 13:44-46; 2 Timotio 1:7-8; VaEfeso 6:19-20 NKJV

(Chidzidzo ichi chatorwa kubva mu:
Rhapsody of Realities (Shona)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church)