Rudo Rwavo Ndirwo Runotituma Kuchumaira

Chishanu, 12 Zvita 2025

*Tiri kuda kusvitsa dzidziso iyi kuvanhu vose, pasi rose.* Chipo chako chinogona kubatsira pabasa iri. Unogona kuchituma neEcoCash pa: *151*2*6*58225# Mwari vakuropafadze

“Ngokuti rudo rwaKristu runotionga; ngokuti tinozia kuti umwe wakafira veshe; ndizvo veshe vakatofa” 2 VaKhorinte 5 ndima 14.

Ndima inoteera yakhonazve yakadzamawo. Inoti, “Naye wakafira veshe kuti avo vanopona vasachadziponera pachavo, asi kuti vaponere kunouwo wakafa ngendaa yavo, akamuswazve”. Ndizvo iwewe unosisira kuponera Mambo. Rudo rwaKristu runosisira kukutuma kuchumaira Vhangeri kuvanhu. Uchitsamwirira kutenderusira vanhu kuna Mwari.

Zwisisa kuti Kristu vanokudakarira. Izvozvo zvinozokupa shungu dzokutenderusa vanhu. Zvechiita kuti usatya kuita mushando uyu. Karakadza zvaronzwa mundima yetabeura ndiyo. Yati Jesu vakafira vanhu veshe. Zvechironza kuti Mwari vanokoshesa munhu weshe. Vanomukoshesa sokukoshesa kwevanoita Jesu. Zvapupu zvaKristu zvinozwisisa izvi.

Ruka yemakumi mairi nechirongomuna ndima yemakumi marongomuna nechitanhatu kuguma makumi marongomuna nechisere inoti, “… Kristu unozotambudzwa nokumukazve kubva kwevakafa ngezuwa rechitatu, nokutizve kutenderuka nokurekererwa kwezvishaishi kunosisira kuchumairwa ngezina rake kunemadzinza eshe, kutanga muJerusarema. Nemwi muri zvapupu zveizvi zviro”. Unganyarara sei pakadaro? Chumaira Vhangeri. Richumaire pouri apapo. Pangaa pachibhedhlera. Panongwarirwa vasungwa. Pachikoro. Nokuti pamusha.

Vhangeri rakaiswa munyara dzako. Izvi ndizvo zvetinoziiswa mutsamba yokutanga kuna Thimothi chitsauko chokutanga ndima yegumi naimwe. Vhangeri iri ngere gwinyiso. Rinotoa simba raMwari. Ndiro simba revanoshandisa kuponesa vanhu. Vanoponeswa vakhona ngevaya vanenge variashira. Ivo Mwari vanokudakarira. Izvozvo zvinosisira kukutuma kuchumaira Vhangeri iri. Apana chinozokuita kuti usakona kurichumaira kudaro. Auzosisiri kuita zvokumanikidzwa kuchumaira. Unozenge une shungu dzokurichumaira. Ndizvo ereketa noumweni munhu nyamashi. Kumbirira umweni munhu. Umuunze munyika yaMwari.

Pupura Weiti
Kristu vanondidakarira. Izvozvo zvinondituma kuona vanhu ngenjira yevanovaona ndiyo ivo. Ndine shungu nevanhu ava. Saka ndakashinga. Ndinodakarira vanhu. Ndinovaunza kuna Mwari. Ndinotenda kutungamirirwa ngeMweya Wakachena. Vanonditungamirira kugumisa Vhangeri kuvanhu. Ivo vaya vakaremba. Inini ndakadetserwa ndiMwari. Vakandidetsera zvinoshamisa. Ndizvo ndinoporesa vanorwara. Ndechivaunzira utano hwakanaka. Muzina raJesu. Ameni.

Dzimweni Ndima Dzinotsinhira Kufunda KwaNyamashi:
2 VaKorinte 5:14-15; Johane 3:16; 1 Johane 4:10-11

(Chidzidzo ichi chatorwa kubva mu:
Rhapsody of Realities (Shona)
Rinonyorwa na:
Mufudzi Chris Oyakhilome DSc DD.
Munoriwana pa: https://rhapsodylanguages.tniglobal.org/regions/
Zvimwe zvidzidzo munozviwana pa: https://bit.ly/Shona_Church)