Ukuqhutshwa Ngothando Lwakhe Ukuba Ngumfakazi

Usuku 12 Zibandlela 2025

*Sifuna umyalezo lo ufike kubantu abayizigidigidi eziyisikhombisa emhlabeni wonke. Umnikelo wakho ungasisiza sifike kubo. Ungawuthumela usebenzisa iKingsPay Mobile App (Ikhodi: TNIOG), kumbe nge-Ecocash (Zimbabwe) kusetshenziswa i-shortcode: *151*2*6*58225# UNkulunkulu akubusise!*


"Ngoba uthando lukaKristu luyasiqhubezela, sibona lokhu, ukuthi uba omunye wafela bonke, ngakho bonke bafa" (2 AbaseKolinte 5:14).

Ivesi elandelayo u15 kuAbaseKolinte 5 layo iyakhuthaza. Ithi, "Njalo wafela bonke ukuze abaphilayo bangabe besaziphilela bona, kodwa lowo owabafelayo wabuye wavuka. Lokhu kumayelana lokuphila impilo elenjongo, uqhutshwa luthando lukaKristu njalo uzinikele ekunqobeni imiphefumulo.

Uma uthando luka Kristu lusenhlizyeni yakho, luyangezelela isihawu sakho njalo luyaqeda ukwesa. Luyakuvuselela ekutshumayeleni iVangeli. Khumbula okukhulunywe iNcwadi eNgcwele: UJesu wafela bonke; kusitsho ukuthi wonke umuntu ohlangana laye uqakathekile kuNkulunkulu njengoba uJesu eqakathekile. lokhu yikho omele uhlale uzitshela khona ukuze wenelise ukuba ngumfakazi kaKristu.

IBhayibhili lithi, "...uKristu kumele ahlupheke kanje, njalo avuke kwabafileyo ngosuku lwesithathu: Njalo kutshunyayelwe ebizweni lakhe ukuphenduka lothethelelo lwezono ezizweni zonke, kuqala eJerusalema. Lina-ke lingabafakazi balezizinto" (ULuka 24:46-48). Ungathula njani? Lapho ofinyelelela khona, kunga esibhedlela, entolongweni, esikolo, emakhaya, loba kungaba ngaphi; tshumayela iVangeli.

IVangeli leli elenkazimulo eleNkosi ebusisisweyo linikezwe wena (1 UTimothi 1:11). IVangeli leli liyaphila njalo liliqiniso; lingamandla kaNkulukulu ensindiso kulabo abakholwayo. Qhutshwa ngothando lwakhe ukuthi utshumayele. Uma ukhuthazwa luthando lwakhe, ukukhuluma izinto ezingela msebenzi kuyaphela. Awudingi ukufuqwa; loba ukuqhutshwa. Yenza uthando lolu lukuqhubelamuhla ukuthi ukhulume lomunye umuntu, ukhulekele omunye umuntu njalo ukhokhelele omunye umuntu eMbusweni.

Ukuvuma

Ngiqhutshwa ngothando lukaKristu njalo ngibona abantu ngamehlo akhe njalo ngithinta abaphandle ngesihawu sakhe; ngileesibindi, uthando, njalo ngingumnqobi wemiphefumulo osebenza ngamandla. Ngiyazwa ukukhokhela koMoya ukuthi ngisebenzele iVangeli kulabo ababuthaka njalo ngilethe ukusiliswa kulabo abagulayo, ngoba ngincedwe nguNkulunkulu, eBizweni likaJesu. Ameni.



Qhubeka Ngembalo

AbaseRoma 5:5

UJohane 3:16

1 UJohane 4:10-11

(Lumlayezo uthathwe ku:
Rhapsody of Realities (Ndebele)
Wabhalwa ngu:
Umfundisi Chris Oyakhilome DSc DD.
Ungalilanda ngokuphelele ngolimi lwakho ku: https://rhapsodylanguages.tniglobal.org/regions/
Eminye imfundiso ungayithola ku: https://bit.ly/Shona_Church)